Ang FDCP ang nanguna sa delegasyon ng Pilipinas

Ang tatlong pelikulang Pilipino na Leo­nor Will Never Die ni Martika Escobar, Reroute ni Lawrence Fajardo, at Rabid ni Erik Matti, ay nakipagtunggali sa 39 na pelikula mula sa ibang bansa mula sa Asya kabilang ang China, Hong Kong, Japan, Malaysia, Taiwan, Thailand, at South Korea.

Ang On the Job 2: The Missing 8 ni Erik Matti naman ay isa sa pitong pelikula na itinampok sa Best of Best Section ng kategoryang Out of Competition, kasama ang ibang mga pelikula mula sa Asya.

Isang espesyal na section na pinamagatang Visions of Manila in Philippine Movies, na nagpalabas ng limang pelikulang itinatampok ang buhay sa Maynila, ay kasama rin sa programa ng film festival. Dalawa rito ay ang restored classics na Manila by Night ni Ishmael Bernal at Maynila sa Kuko ng Liwanag ni Lino Brocka na ipinalabas para sa mga manonood sa Italy. Ang kumumpleto umano sa pagtatanghal ay ang Metro Manila ni Sean Ellis, Neomanila ni Mikhail Red, at Slingshot ni Brillante Mendoza, na ipinalabas sa Cinema Visionario sa Udine.

“Asian cinema has truly so much to offer, and it makes us so proud that the Philippines has consistently been a part of this showcase in FEFF. What the Far East Film Festival gives us is not only a platform to show the other side of the world what our stories are about and what we have to offer in terms of partnership and collaboration, but more importantly, a hopeful journey for the next generation of filmmakers from Asia. A truly powerful line-up of Filipino films and talents were present in Udine and we’re grateful to have shared them with our Italian audience,” ibinahagi ni FDCP Chairperson at CEO Liza Diño.

Sa kasalukuyan ay wala pang napapanood sa Tagalog film nationwide.

May ilang ipinalabas pero sa selected cinemas at wala talagang ‘yung nationwide.

Puwede kayang i-propose rin ng FDCP sa mga film company na ipalabas uli ‘yung mga classic film or ‘yung super box office noon?

Or lahat ba ‘yun nasa streaming platform na?

‘Yun talaga kasi ang naging kalaban ng mga sinehan natin.

Nang magsara ang mga ito dahil sa pandemya, naging habit ng mga tao ang magbabad sa mga palabas sa iba’t ibang digital platform.

Bago pa actually, nag-pandemic, matumal na ang mga sinehan.

Sa kasalukuyan, ang Marvel movie na Doctor Strange lang ang palabas sa mga sinehan.