Claudine, pinahiram ni Gretchen ng luxury bus
‘Kaaliw din si Claudine Barretto, Ateng Salve, sa announcement ng comeback movie niya kahapon na ipo-produce ni Atty. Ferdinand Topacio.
Sabi kasi niya, sobrang natuwa raw ang ate niyang si Gretchen Barretto nang malamang gagawa na nga uli siya ng pelikula, kaya ipapagamit pa nga raw nito ang luxury bus niya habang nagso-shooting sila.
Feeling nga raw ni Claudine dahil sa sobrang tuwa ni Gretchen na active na naman ang kanyang showbiz career ay baka ibigay na nito ang nasabing bus sa kanya.
Sa tanong ko naman na baka ma-inspire si Gretchen sa kanyang comeback at mag-comeback din ito, sinabi ni Claudine na sobrang busy ng kanyang ate sa ngayon, kaya imposible raw na mangyari ‘yon.
Nakatutok daw si Gretchen sa iba’t ibang businesses at pumapasok pa sa office from 1:00-8:00 p.m. “‘Yun ang hindi alam ng mga tao, na sobrang busy niya (Gretchen) sa kanyang mga negosyo. Nakatutok siya. Pumapasok siya ng office from 1:00-8:00 p.m. So hindi talaga puwedeng gumawa rin siya ng showbiz project ngayon,” sey ni Claudine kaya imposible rin daw na magsama sila sa isang project.
Klinaro naman ni Claudine na tuluy-tuloy na talaga ang comeback niya ngayon sa kanyang acting career.
Inspirado raw siya sa bilis kumilos ng new manager niya na si Arnold Vegafria.
Bukod nga sa movie na ipo-produce ni Atty. Topacio, kausap na rin daw ni Arnold si Malou Santos at kinakausap din niya ang ABS-CBN, TV5 at GMA 7 tungkol sa TV comeback ng actress.
Kung sino ang unang kukuha kay Claudine ay doon naman magbabalik-telebisyon ang aktres.
May ilang endorsements din daw si Arnold para kay Claudine at nauna na nga kahapon ang pagpirma nila with Cathy Valencia.
John Lloyd at Maja, magtatambal sa sitcom
Inaabangan ang announcement ng Brightlight Productions kaugnay ng sitcom na sinasabing pagtatambalan nina John Lloyd Cruz at Maja Salvador.
Nakapag-meeting na raw ang producer na si Albee Benitez at John Lloyd Cruz plus Direk Edgar Mortiz, kaya inaasahang matutuloy na ito.
So, mananatili si Maja sa TV5 kung ganoon after mawala ang Sunday Noontime Live nila.
Naku, Ateng Salve, sana makatsikahan natin si Maja at matanong siya tungkol sa tsikang mahihirapan na siyang makabalik sa ABS-CBN dahil sa desisyon niyang mag-TV5 kahit may teleserye naman na ino-offer sa kanya ang Kapamilya network.
Ang tsika kasi, kay Maja raw sana ibinibigay ang teleseryeng iniwanan ni Bea Alonzo, pero tumanggi nga raw si Maja dahil sa Sunday Noontime Live ng Brightlight Productions na natsugi na nga.
Baka naman kasi may ganoong issue, pero si Maja naman pala ay wala namang balak na basta bumalik sa dating home studio?!
Agree, Ateng Salve? ‘Yun na!
- Latest
