Non-showbiz girl, gidiskartehan ni Edward?

CEBU, Philippines — Niulbo karon ang taho nga matud pa  dunay kairing-iring si Edward Barber nga usa ka non-showbiz girl.

Giingong mao kini ang rason kun nganong wala magtingog karon sila si Edward ug ang iyang ka-loveteam nga si Maymay Entrata.

Kahinumdoman nga gipapas ni Maymay sa miaging semana ang mga hulagway nila ni Edward sa Instagram.

 Una na nga nigawas ang chika nga nasakitan si Maymay gumikan kay matud pa gipaasa ra siya ni Edward.

Wala gihapon mohatag og komento  ang duha ka habig kalabot sa maong isyu.

Pagbirit ni Catriona gipistahan

Nahugyaw og maayo ang fans ni Miss Universe 2018 Catriona Gray sa performance niini   sa “ASAP Natin 'To"  kun diin nibirit gyud kini sa awit ni Adele nga  “Make You Feel My Love “.

Gipahinungod ni Catriona ang maong awit ngadto sa mga naapektohan  sa krisis nga nahatag sa  coronavirus disease (COVID-19).

Matud pa nga gipistahan sa netizens ang video ni Catriona sa nahisgotan nga virtual song number.

Giingong cute kaayo ang pagkanta ni Catriona sa maong awit ni Adele.

Gidasig sa beauty queen ang katawhan nga tabangan ang mga tawo nga nakasinati og kalisod human gipatuman ang enhanced community quarantine.

Bea nagpakaon sa frontliners

Sa labing unang higayon, nagluto og dinaghan si Bea Alonzo  ug kini iyang gidalit sa frontliners.

  Nagkanayon ang aktres nga nindot kaayo sa pamati nga makatabang sa iyang isigkatawo.

Dako ang pagsaludo ni Bea sa frontliners alang sa kampanya batok COVID-19.

Samtang  wala pa’y gitrabaho sa showbiz, gusto sa aktres nga duna siya’y makahuluganon nga mabuhat sa komunidad.

Kever na sa usa'g-usa

Bisan sa pamasin sa fans nila ni  James Reid ug Nadine Lustre nga magbalik ang ilang mga idolo,  giingong hanap na kini nga mahitabo.

Suma pa nga naka-focus na ang duga sa tagsa-tagsa nila nga kinabuhi.

Nitumaw ang chika sa mga sinaligang tinubdan nga  wala na gyud nagparamdan sila si Nadine ug James sa usa'g-usa.

Performers tabangan ni Angeline

Nipasiugda og online concert si  Angeline Quinto kun diin tuyo niya nga makahipos og pundo nga itabang niya sa iyang mga higala nga performers nga sama sa mga miyembro sa banda ug stand-up comedian.  Nasayran nga naapektohan pud ang mga panginabuhian niini  sukad gipatuman ang enhanced community quarantine didto sa kaulohan.

“Tara po magkantahan at makatulong sa mga kapwa ko musikero na simula po nag lockdown ay nawalan narin po ng pagkakakitaan - mga singers at banda na nawalan ng mga trabaho,” suma pa sa IG post sa singer.