Mike tuloy sa ‘pag-ubo’ sa GMA
MANILA, Philippines — Tuloy ang ‘pag-ubo’ ni Mike Enriquez matapos ngang mag-trending ang contract renewal ng multi-awarded news anchor at radio host.
Yup, 25 years na nga siya sa GMA Network at tuluy-tuloy ang pagiging certified Kapuso ng GMA News pillar matapos niyang muling pumirma ng kontrata kahapon.
Present sa nasabing contract signing sina GMA Network Chairman and CEO Atty. Felipe L. Gozon, President and COO Gilberto R. Duavit, Jr., Executive Vice President and CFO Felipe S. Yalong, at Senior Vice President for News and Public Affairs Marissa L. Flores. Naroon din sina Vice President for Corporate Affairs and Communications Angela Javier Cruz at Assistant Vice President for Corporate Communications Jojo Aquio.
Mula 1995 ay bahagi na ng GMA-7 si Enriquez na tumatayo ring pangulo ng RGMA, ang radio arm ng Network. “Lubos tayong nagpapasalamat sa GMA at syempre sa top management dahil sa patuloy nilang pagtitiwala sa loob ng dalawampu’t limang taon at higit pa. Kaya sa mga susunod pang taon, asahan ninyong patuloy pa rin tayong maghahatid ng Serbisyong Totoo at mas paghuhusayan pa natin para sa ating mga Kapuso,” ayon kay Mr. Enriquez.
- Latest
