Malaswang biro ni Joey de Leon 'di nasakyan ng ilang 'Eat Bulaga!' viewers
MANILA, Philippines — Imbis na tawa, inis ang iginanti ng ilang manunuod sa komedyanteng si Joey de Leon matapos muling magpakawala ng kontrobersyal na pananalita sa sikat na noontime show ng GMA-7.
Napuna kasi ng mga manunuod ang sinabi ni Joey sa babaeng flight attendant na kalahok sa isang segment, Martes: "Sana masakyan kita balang araw," sabi niya.
Na-off din ang ilang netizens nang tanungin niya ang "Eat Bulaga!" contestant kung ilang beses na siyang nakagat ng mga lalaki.
Eto kanina lang sa #BawalJudgmental i felt off sa question ni Joey De Leon kay Sanya...
— Abbey Cayco (@abbey_cayco) January 7, 2020
Ang question nya, Sanya ilang beses ka na nakagat ng lalaki?
Respect naman po sa mga babae @EatBulaga pic.twitter.com/gk2peEtqm5
Sinambit ni De Leon ang mga kataga sa "Bawal Ang Judgemental" na bahagi ng kanilang palatuntunan.
'Di tuloy naiwasan ng mga tao na magtungo sa social media para irehistro ang kanilang disgusto.
Sabi na eh!
— LX ESBEN (@_lxesben) January 7, 2020
I was watching #BawalJudgmental kanina and after ni Joey mag linya ng "sana masakyan kita" sabi ko sa nanay ko, NAPAKABASTOS TALAGA NG BIBIG NG TAONG TO!
DAPAT I BAN SI JOEY DE LEON EH!!! SA TOTOO LANG.
In this episode of some men are trash, Joey de Leon said “sana masakyan kita” to a flight attendant on national tv. 2020 na po, stop these lame & double meaning jokes. Konting character development naman. #BawalJudgmental pic.twitter.com/zNM28wOMZg
— DEPRESSING TRUTHS (@dpressingtruths) January 7, 2020
Joey De Leon should apologize to her and to everyone, it's something disgusting and below the belt.
— paula (@jienpola) January 7, 2020
Kpag trending c joey de leon 'ALAMS' na kabastusan nman dahilan! Sarap pakainin araw araw ng monay ng manahimik
— miss E (@elmz44) January 7, 2020
Joey de Leon has never outgrown his brand of toilet humor in the 80's and more than 30 years on, he keeps spewing trash on TV. This is what happens when everyone around you agrees with everything you do.??
— Phillip Templo Jr (@thejourneymate) January 7, 2020
Dahil sa pagbuhos ng mga komento sa kanyang sinabi, numero unong trending si Joey sa Twitter habang sinusulat ang balitang ito.
Wala pa naman siyang inilalabas na public statement hinggil sa mga natatanggap na reaksyon mula sa kanyang mga social media accounts.
Hindi ito ang unang beses na nadawit ang aktor sa batikos dahil sa mga diumano'y eskandaloso't kwestyonableng mga pahayag on-air.
Taong 2004 nang patawan ng dalawang buwang suspensyon ng MTRCB si Joey matapos daw banggitin ang isang malaswang salita sa isang baklang contestant sa telebisyon.
Taong 2018 naman nang tanungin niya ang isang dating guest relations officers (GRO) mula Olongapo kung may naging "guest" na siya mula sa kanilang show.
Matagal na ring idinadawit ang host sa kaso ng panghahalay sa dating sexy star na si Pepsi Paloma, bagay na kanila namang itinatanggi.
- Latest