Joyce ug Kevin gikasal na!

CEBU, Philippines — Minyo na ang  Kapuso actress nga si Joyce Ching ngadto sa iyang hinugugma nga  non-showbiz guy nga si  Kevin Alimon.

Nanumpa ang duha  pinaagi sa  garden wedding didto sa  Baguio City niadtong Dominggo.

Una na nga giangkon ni Kevin nga longtime crush niya si  Joyce. —Sanden J. Anadia

Miss Universe Philippines huptan na ni Shamcey

Dili na ang Binibining Pilipinas Charities Inc (BCPI) maoy  naghupot sa franchise sa Miss Universe. 

  Kahinumdoman nga 50 ka tuig nga gihuptan sa BPCI ang franchise niini.

Huptan na kini sa Miss Universe Philippines Organization  nga gipangulohan ni Miss Universe 2011 3rd runner-up Shamcey Supsup-Lee isip national director, Jonas Gaffud isip creative director, ug  Albery Andrada isip  design council head.

“The Miss Universe Organization is thrilled to announce its partnership with the Miss Universe Philippines Organization – a fresh team that will lead the country towards its continued quest to share the beauty and grace of the Filipina to the rest of the world,” suma pa sa post niini sa ilang social media account. Tumong sa pagmugna sa Miss Universe  Organization mao ang pagpalambo sa franchise niini nga unang gihuptan sa mga Araneta. 

Nagmadaogon si Miss South Africa: Gazini nalandig sa Top 20

Ang pambato sa South Africa nga si Zozibini  Tunzi  napili nga  Miss Universe 2019 nga gipahigayon kagahapon didto sa Atlanta kagahapon.

“I grew up in a world where a woman who looks like me, with my kind of skin and my kind of hair, was never considered to be beautiful. I think that it is time that stops today,” suma pa sa iyang katapusan nga statement.

Usa sa gihingusgan nga adbokasiya mao ang  natural beauty ug usa siya ka aktibista nga nakigbisog batok sa  gender-based violence.

Napili usab nga first runner-up  mao ang representante sa Puerto Rico nga si  Madison Anderson.

Samtang ang  and second runner-up  mao si Sofia Aragon sa  Mexico.

Nalandig lang a Top 20 ang pambato sa Pilipinas nga si Gazini Ganados.

Moabot ngadto sa 90 ka mga kandidata ang nagtigi sa maong  pristihiyosong  indigay nga gipahigayon sa  Tyler Perry Studios.