Catriona manamilit na sa New York
CEBU, Philippines — Oras na aron mobiya si Catriona Gray sa gipuy-an niya sa New York City kun diin mao kini ang giistaran sulod sa usa ka tuig sa kasamtangang Miss Universe.
Wala kapugong ang beauty queen sa iyang pagka- sentimental samtang nagkadoul na ang pagpanamilit sa iyang gipuy-an.
“Atlanta here we go! This is also my official goodbye to New York! Feeling super sentimental about it all! I walked into this lobby in these exact boots earlier this year, now we’re 9 days away from welcoming a new queen!” ,” suma pa sa iyang IG post.
Naabot na si Catriona sa Atlanta, Georgia kun diin iyaha na nga i-turn over ang iyang korona sunod adlaw.
Anak ni Sharon ug Kiko mibuwelta sa presidente
Puwerting lagota sa anak nila ni Senator Kiko Pangilinan ug Sharon Cuneta nga si Frankie ngadto kang President Rodrigo Duterte gumikan sa komento niini kalabot sa istado sa iyang ginikanan.
“Imagine making yourself dinner in your tiny apartment and tucking yourself into bed with a warm blanket only to get a notification informing you your parents are arguing daw. It’s not either of your parents, it’s not your sister, not the dog. It’s rodi,” tweet pa ni Frankie.
Gisaway niya ang presidente sa pagpanghilabot sa ilang pamilya. “Like imagine being more concerned with “ruining” a perfectly happy family instead of... being... a good leader...Homesick na nga naging sick of home pa,” dugang pa niya,.
Sa usa ka event sa miaging adlaw , gipadayag ni Duterte nga dunay higayon nga gitinguha ni Sharon nga palayason si Sen. Kiko sa ilang panimalay.
“Pinapaalis na nga ng asawa niya sa bahay niya, ayaw kay wala ibang matirahan. Totoo. Tanungin mo. At kung sabihin mo nagsisinungaling ako, I will resign. Ang sinasabi ko totoo ‘yan,” nagkanayon ang presidente.
Una na nga gihimakak ni Sharon ang gisulti sa presidente.
Pia napanglantawan ang kadaogan ni Gazni
Dako ang pagtoo ni Ms. Universe 2015 Pia Wurtzbach nga malangkat ni Ms. Philippines Universe 2019 Gazini Ganados ang titulo nga Ms. Universe 2019 . Nakita ni Pia nga andam na gyud si Gazini sa Ms. Universe pageant.
Ubay-ubay ka tips ang gipaambit ni Pia ngadto kang Gazini busa napanglantawan niya nga mosidlak gyud kini sa entablado.
- Latest