Samantha, backstage sa MGI

Cebu, Philippines —Pakyas pagsulod sa Top 20 ang pambato sa Pilipinas nga si Samantha Lo sa bag-ohay lang gipahigayon nga Miss Grand International pageant didto sa Caracas, Venezuela. Ang pambato sa Venezuela nga si Lourdes Figuera ang narayna.

100 Celebrities

Mukabat matud pa ngadto sa 100 celebrities ang adunay special roles sa pelikula nga The Mall, The Merrier nila ni Vice Ganda ug Anne Curtis nga entry sa Metro Manila Film Festival karong Pasko. Daghan matud pa sila og gipanghimo nga first time pa gyud makita sa moviegoers.

"She's Back"

Trending niadtong Biyernes sa gabii sa Twitter ang mga hulagway ni Julia Montes nga matud pa nag-grocery sa usa ka supermarket sa Greenhills. Wala natino kun sa samang adlaw ba nakit-an si Julia o dugay na ang maong mga hulagway niya kauban ang pipila ka shoppers. Ang sigurado nalipay kaayo iyang fans sa nikatap nga mga hulagway.

Love pa gihapon

Wala na nahibulong si Boy Abunda sa away sa magsuong Barretto gumikan kay niya pa strong ug opinionated matud pa sila. Apan malaumon siya nga magpinasayloay ra gyud sila sa umaabot, sanglit paminaw ni Boy, gihigugma pa gyud nila ni Marjorie ug Gretchen ang usa'g-usa bisan pa man sa mga nanghitabo karon.

Nag-uli na

Nag-uli na sa maayong kabubut-on sila si Marian Rivera ug kanhi niya manager sulod sa pito ka mga tuig nga si Popoy Caritativo. Wala nadetalye unsang pagkahitaboa, nalipay na lang ilang mga higala human nakakita nga nag-post sila sa ilang tagsa-tagsa ka IG accounts og hulagway nga nagtupad ug mapahiyomon.

Andam makig-atubang

Dili mahadlok si Alexa Ilacad kun ugaling ipatawag silang duha ni Nash Aguas sa Star Magic management aron husayon. Kanhi magloveteam ang duruha, apan naputol gumikan kay matud pa gipasanginlan si Alexa ni Nash nga adunay laing laki ug gibinuangan siya. Hugtanon kining gihimakak ni Alexa kinsa nipasangil nga nagpunay og panabi si Nash kabahin niini ug gisugo matud pa ang mga fans aron samokon siya sa social media.

Perteng daoga sa rating game!

Win na win sa ratings game ang TV Patrol niining mga nakalabay nga mga adlaw gumikan sa coverage nila sa kagubot sa Barretto sisters.

Sa nationwide rating, matud pa sa Kantar, naka-28.9% ang TV Patrol, kontra sa 20.5% sa GMA-7 primetime newscast nga 24 Oras niadtong Miyerkules diin gipakita ang interview ni Karen Davila kang Marjorie Barreto.

Pagka Biyernes, dihang gipakita sab ang interview ni Noli de Castro kang Atong Ang, nitala ang TV Patrol og 30.1%  batok sa 17.9% langsa  24 Oras.

Nagtuo ang netizens nga ang rating sa TV Patrol niadtong Miyerkules maoy rason nga nagbalita na sab ang 24 Oras kabahin sa mga Barretto diin si Claudine sab ang ilang gipunting.

Panawagan karon sa netizens nga si Gretchen Barretto na sab ang sunod hinabion sa TV Patrol ug unta si Boy Abunda maoy mo interview niini.