Nagpakasal og balik

CEBU, Philippines – Nagpakasal og balik niadtong  Lunes ang magtiayong  Justin Bieber ug  Hailey .

Niining higayona, sa simbahan na sila nagpakasal  partikular na didto sa Montage Palmetto Bluff sa  South Carolina .

Suma pa sa duha nga importante kaayo  kanila ang pagpanumpa  sa ilang panaghigugmaay atubangan sa altar sa kaminyoon.  (Sanden J. Anadia)

Nominado sa laing nasud

Nominado si Moira Dela Torre sa MTV Europe Music Awards. Nalakip ang pangalan ni Moira sa kategorya nga Best Southeast Asian Act. Mahitabo ang awards niini karong Nobyembre 3, 2019 sa Spain. Si Moira ang nagpasikat sa Tagpuan.

Nanalipod sa gusto

Gidepensahan ni Robin Padilla ang iyang asawa nga si Mariel Padilla kinsa nag-ampo nga unta sa Amerika manganak. Matud pa ni Robin nga dili sayop nga sa Amerika manganak ang iyang asawa gumikan kay US Citizen kini ug aduna  pu’y dugo si  Robin nga Native American. Dugang pa ni Robin nga dili angayan nga hukman si Mariel sa desisyon niini kun asa gusto nga manganak.

Billy gikawatan

Gipahibalo ni Coleen Garcia nga human sa ilang pagbakasyon sa Dubai, gikawat ang cellphone ni Billy Crawford pag-uli nila dinhi sa Pilipinas. “He got a flat tire in Pasig. While he was changing it himself and using his phone as a flashlight on the ground, some kids decided to steal it. That was only one of the many negative things that happened to him on that day”, asoy pa ni Coleen.

Nagmalaumon

Nagmalaumon sila si Matt Evans ug ang iyang asawa nga mahuman na ang kaso nga ilang gipasaka ngadto sa nag-scam kanila. Tulo ka tuig na ang nilabay  human nga nahitabo ang maong insidente nga  dul-an sa P6 million ang nawala niini gikan sa negosyo nga mga bag ug uban pa nga mahalon nga  items. Inanay na nga naka-recover sila si Matt sa maong insidente ug nagmalaumon sila nga unta mahuman na ang maong problema.

Dili biritira

Gusto nga pamatud-an ni Frankie Pangilinan nga adunay luna ang mga dili biritera sa OPM. Matud pa ni Frankie nga aduna pay daghan nga mga tingog nga angayan nga madungog kun paminawon lang gyud kini.

Certified hit

Nagmaya gyud og maayo si Kim Molina gumikan kay certified hit gyud ang iyang gibidahan nga pelikula nga ‘Jowable’. Kapin sa P50 million na ang kita sa maong pelikula ug matud pa niya nga wala pa mo sink in kaniya hangtod karon nga daghan ang mitan-aw sa pelikula.

Ipaambit  ang daog

Target ni Tawag ng Tanghalan Season 3 second placer nga si John Mark Saga nga ibahin ang iyang nadawat nga premyo ngadto sa charity nga iyang napili. Paghatag og edukasyon sa mga kabus ang iyang target nga gahinan sa iyang  nadag-an nga kwarta.

Hellcome home

Gipakita na sa  Star Cinema ang mga teaser sa umaabot nga horror flick nga ‘Hellcome Home’. Bida niini sila si Dennis Trillo, Alyssa Muhlach, Beauty Gonzalez ug Raymond Bagatsing.