Supportive girlfriend

CEBU, Philippines – Gitambongan gyud ni  Angel Locsin  ang premiere  night  sa pelikulang “I’m Ellena L” isip pagsuporta sa iyang uyab nga si Neil Arci.  Ang  N2 Productions nga gipanag-iya ni  Neil maoy nag-produce  sa “ I’m Ellenya L” .  Sila si Maris Racal, Iñigo Pascual ug  Pat Sugui  ang mga bida sa maong pelikula.   Nitambong usab sa premiere night sila si Piolo Pascual, Michael V., Paulo Avelino, Loisa Andalio, Jane Oineza, Kit Thompson, Erik Santos, ug Darren Espanto.

Kaori pasok sa Parasite Island

Nagmaya og maayo  ang kanhi  PBB housemate nga si Kaori Oinumi gumikan kay malakip siya sa bag-ong teleserye sa ABS-CBN nga  Parasite Island nga pagabidahan nila ni  Rafael Rosell ug Ria Atayde. Ka-batch ni Kaori sa PBB  ang Kadenang Ginto star nga si Seth Fedelin .

Todo bakasyon

Gitodo  gyud ni  Lovi Poe ang pagbakasyon sa laing nasud. Na-busy usab siya sa iyang lovelife.  Dili hinuon maguol si Lovi sanglit dunay proyekto nga nag-atang kaniya inigbalik niya sa nasud.  Malakip siya sa usa ka episode sa Tadhana.

Nagkalig-on

Gitataw  ni  Edward Barber nga malipayon kaayo siya sa tandem nila ni Maymay Entrata.  Kahinumdoman nga nikusog ang dagan sa ilang career sukad naumol ang tandem nga MayWard.

Dakong twist

Tsika pa ni Jean Garcia nga dunay dakong twist ang   psychological action-drama thriller nga Watch Me Kill . Dili basta-basta ang naagian ni Jean sa  maong pelikula gumikan sa mga bug-at nga eksena niini.

Paukyab ni Pokwang

Nagpaukyab  si   Pokwang ug ang iyang partner nga si  Lee O’Brian pinaagi sa pagsunod sa usa ka eksena sa  “Hello, Love, Goodbye” nga gibidahan nila ni  Kathryn Bernardo ug  Alden Richards. Nag-trending og maayo ang maong video.

Pagpalambo sa industriya

Nanawagan  si Piolo Pascual sa publiko nga suportahan   ang mga  pelikulang Pilipino.  Usa kini sa pamaagi aron mamintinar ang paglambo sa film industry sa nasud.  Aktibo  si Piolo sa pag-produce og mga pelikula.

Wala magdahom

Wala damha ni  Ken Chan nga usa siya sa mahimong  host sa  Season 2 a  The Clash nga magsugod na karong  September 21. Dakong garbo alang kaniya nga malakip sa  maong show nga giatngan na sa publiko.

Suwerte ang career

Mapasalamaton si  Rayver Cruz sa  GMA-7  gumikan kay wala gyud pasagdi ang iyang career sukad siya nibalhin sa maong network.  Matud pa niya nga nagsagunson gyud ang iyang mga proyekto.  “Nung pag-sign ko sa kanila, tuluy-tuloy ang blessings,” hirit pa niini.

Laban lang Bea!

Gitataw ni Enchong Dee nga okay ra kaayo si  Bea Alonzo karong panahona ug gihulagway niya kini nga isog sa pagsagubang og mga problema.   Matud pa niya nga bisan sa heartbreak nga nasinati niini, gipaniguro gyud ni Bea nga dili maapektohan ang iyang trabaho.