Bidaman Jin Macapagal

CEBU, Philippines – Dakong garbo alang sa 24- anyos nga  Sugbuanon nga si Jindric Macapagal o mas naila na karon isip si Jin Macapagal human nahimong usa sa mga grand finalists sa ‘Bidaman’ sa It’s Showtime.

Dili na bag-o alang kang Jin nga malakip sa usa ka national competition sanglit nakasalmot na siya sa Pinoy Boyband Superstar niadtong 2016.

Human sa tulo ka tuig, mibalik siya sa national arena alang sa laing kompetisyon ug mao kini ang ‘Bidaman’.

Unang nakita si Jin sa Bidaman niadtong Marso 23 niining tuiga, duha ka semana pa lang kini sa dihang gilusad ang maong segment sa telebisyon.

Istorya ni Jin nga sa dihang giimbitar siya sa iyang contestant coordinator sa PBS, nagduhaduha gyud siya sa pagtando kun modayon ba siya o dili.

“At first hesitant gyud ko moapil kay tungod naa gyud ang pressure kung contest plus kung buot hunahunaon, dili dali ang buhaton sa bidaman contestants but nakita nako siya as an opportunity para ma-reach nako akong pangandoy nga mahimong actor/matinee idol someday. Nakahunahuna ko nga mo-stick lang gyud  ko  kung asa ko or mo-step out ko sa akong comfort zone and mo-take og risk”, si Jin mipadayag sa eksklusibo nga pagpakighinabi niya sa Banat News Hugyaw.

Sukad sa pagtungtong ni Jin sa entablado sa ‘Bidaman’, naglahos-lahos na ang iyang swerte apan gitug-an niya nga nahagit gyud siya pag-ayo tungod sa mga kalidad nga gipangita sa maong kompetisyon.

“Grabe gyud ang journey as bidaman kay dili lang basta looks ang gipangita kun dili personality nga naay talent ug willing modawat og mga challenges”, saysay pa niya.

Tuod man, nalingaw usab si Jin sa mga kasikas samtang nagdagan ang kompetisyon gumikan kay samtang nagkadugay ang pag-ere niini, nanaghan sab ang mga higala nga iyang nahimamat ug nasuod.

Makaingon si Jin nga mauwawon siya nga pagkatawo sa dihang wala pa siya nahimong kabahin sa Bidaman.

“Sa wala pa ko niapil sa maong contest , makasulti ko na medyo shy gyud ko na pagkatawo and mo-stick lang kung asa ko komportable. Pero tungod sa contest, nakuhaan akong pagkamauwawon ug mas napagawas nako akong personality ug na-discover nako nga  mao ni akong gusto buhaton for the rest of my life nga magpalipay sa ubang tawo through the gifts nga gihatag sa ako gikan ni God”, si Jin mipadayag.

Mapasalamaton  siya sa  mga tawong kanunay nga mohatag og kusog og pagdasig kaniya aron nga makaabot sa  grand finals.

“Daghang salamat sa tanan na nagsuporta sa akoa. Especially sa Jindric Squad ug Jin Babies nga solid ang suporta, ug sa mga madlang people sa Cebu, asahan nako inyong suporta ,”  mensahe ni Jin. Ang Grand finals mahitabo karong  Agosto 10. Angayan nga tutukan ang paglugwa ni Jin gumikan kay ipakita niya ang iyang giandam nga surpresa alang sa madlang people lukop nasud.

Buwag na

Nagbuwag na sila si Heaven Peralejo ug Jimuel Pacquiao. Nagdumili pagbutyag si Heaven sa rason sa ilang panagbuwag. Kahinumduman nga niadtong  Marso lang sa dihang miangkon  sila sa ilang relasyon.

Misawsaw sa isyu

Nibwelta gyud si Gerald Anderson sa mga tawo nga nag apil-apil  sa  isyu   nila  ni Bea Alonzo. Dismayado gyud siya nga daghang mosugnod og istorya aron mas moulbo pa ang kagubot sa ilang relasyon. “Maraming mga opinion and maraming nakikisawsaw. Hindi ko alam na kasama din pala sila sa relationship ko. It is what it is,” aniya”, suma pa ni Gerald.

MNL-HK-NY

Nadungagan ang trabaho karon ni Shaina Magdayao gumikan kay mobida siya sa  usa sa mga  obra sa award-winning scriptwriter nga si Ricky Lee nga ‘MNL-HK-NY’ (Manila Hong Kong New York). Makauban niya sa maong proyekto sila si Iza Calzado ug Alfred Vargas.

Gitandi kang  Lloydie

Na- overwhelm ang Kapuso star nga si Alden Richards nga gitandi siya ni Direk Cathy Garcia-Molina ngadto kang John Lloyd Cruz. “Coming from her (Direk Cathy) [who] has been with John Lloyd in One More Chance movie: dun ako nag-start maging fan ni John Lloyd and Direk Cathy. I’m just so happy. Ang sarap sa pakiramdam na you get acknowledged by the legendary director. So overwhelmed po”, suma pa ni Alden.

Target ni Ai Ai

Positibo si Ai Ai delas Alas nga magsabak na siya sunod tuig. Matud pa ni Ai Ai nga aduna na sila’y embryo aron  masugdan na ang ilang in-vitro fertilization procedure. Plano ni Ai Ai nga mopahuway na gyud sunod tuig aron aduna na sila’y anak ni Gerald Sibayan.

Nitingog si Dani

Nipadayag si  Dani Barretto nga si Joshua Garcia ang una nga nangluib sa ilang relasyon ni Julia Barretto kaniadto. “Nakarinig ba kayo ng paninira galing sa kapatid ko the first time he cheated on her too? Oh hindi mo alam yun noh? Marami kasi kayong hindi alam. Kaya manahimik na lang kayo”, suma pa ni Dani.

Nadine, mopahuway

Buot nga mohuway si  Nadine Lustre sa pag-arte  apan temporaryo ra kini sanglt  ganahan ra gyud siya nga ma-relax karong panahona. Kahinumdoman nga duha ka pelikula ang nagama ni Nadine karong tuiga busa naabot sa punto nga dili na makaya sa iyang lawas,  Sagunson ang trabaho ni Nadine karon. Kagahapon lang nigawas ang iyang pelikula nga ‘Indak’. Suportado ni James ang iyang pagpapahuway.

Andam sa mature roles

Andam na si Elisse Joson sa mga mature role. Matud pa ni Elisse nga gikinahanglan gyud kini niya aron mougmad ang iyang career. Mahimong kabahin si Elisse sa serye nga ‘Sandugo’ kun diin makauban niya sila si Ejay Falcon ug Aljur Abrenica.

Walay problema isip relibo

Wala ra gyu’y problema si Bela Padilla nga mahimong second choice sa proyekto nga ‘Miracle in Cell No. 7’ nga dalhon gyud unta ni  Nadine Lustre. “Personally hindi siya problema. Not at all. Basta ako I get paid and I do my job, I’m fine. ‘Yun lang ‘yon. And this is such a big opportunity for me. I mean I don’t hide that I love Korean movies and Korean drama and Park Shin-ye is one of my favorite Korean actresses. So to recreate something that she did before and hopefully put a Filipino flavor to it is such a big thing for me, personally”, suma pa ni Bela.

Triptiko

Busy karon si Kylie Padilla sa laing proyekto. Makauban niya isip bida si Kean Cipriano (sa pelikula nga ‘Triptiko’. Niadtong Enero pa kini gisugdan og gama ang maong pelikula nga mapagaw .