Tyra ug Catriona’s “lava walk”
CEBU, Philippines — Posibling dungan nga mag-“Lava Walk” sila si Miss Universe 2018 Catriona Gray ug America’s Next Top Model host/producer Tyra Banks.
Kini human mismong ang Miss Universe Organization na ang nipakita og interes aron kini mahitabo.
Kini human usab ni tweet si Tyra niadtong Biyernes nga dili gyud siya makalimot sa lava walk ni Catriona.
“Can’t stop thinking about that #LavaWalk,” tweet pa sa supermodel.
Daling nikomento si Catriona sa post ni Tyra ug miasoy nga pangandoy niyang makauban ang American model sa usa ka runway.
Kahinumduman nga niadtong Disyembre niaging tuig nag-tweet si Tyra kalabot sa nagtrending nga “slow-mo” twirl ni Catriona atol sa swimsuit competition. Ug human nakoronahang Miss Universe 2018, daling ni-tweet si Tyra isip pagpabor sa kadaugan ni Catriona.
“And OMG back at you! You did it! And that walk and confidence? I mean... Next level fierce!!! TyTy approves,”tweet pa niini.
- Latest
