Ken recording artist na!

CEBU, Philippines – Puwerting lipaya sa Kapuso actor nga si Ken Chan gumikan  kay hingpit na gyud niya nga gisudlan ang pagkanta  ug nipirma siya kagahapon og kontrata sa  GMA Music.

Gihulagway niya nga “dream come true” nga mahimo siya nga recording artist ug nagpanikad na siya gumikan kay madunggan na gyud sa katawhan ang talento niya  sa pagkanta.

“Matagal ko ng pangarap at wish talaga na mapasama sa GMA Music and finally kabilang na po ako sa GMA Music. Masaya po ako dahil naniniwala po sila sa akin,” saysay pa niya ngadto sa GMA News.

Nasayran nga nikisaw karon ang serye niya nga My Special Tatay  busa duna siya’y kanta kun diin ka-duet niya ang co-star niya sa maong serye nga si Rita Daniela.

Klaro na sa pattern

Bisan ug wala’y direkta nga pag-angkon, nagpaklaro na sa ilang espesyal nga  relasyon sila si Janine Gutierrez, ug  Rayver Cruz.

Ni-post si Rayver sa ilang sweet photo ni Janine  atol sa pagbakasyon nila sa California sa miaging adlaw.

Dugay na nga gidungog nga duna’y relasyon ang duha apan igo lang molenggua nga “datin” ra gyud ang ilang istado.

Sa hulagway nila sa Instagram, nagbaha ang “heart” emojis gikan sa ilang celebrity friends nga naglangkob nila ni Kyline Alcantara, Rodjun Cruz, Dianne Medina, Isabelle Daza, Ylona Garcia, Megan Young, Kate Valdez, ug Ina Feleo. 

LizQuen sa Alone/Together

Opisyal na nga gianunsyo kagahapon ang titulo sa umaabot nga pelikula nila ni Liza Soberano ug Enrique Gil nga gikalipay og maayo sa  ilang fans.

Ang direktor ug writer sa maong proyekto nga si Antoinette Jadaone nibutyag pinaagi sa iyang IG post nga Alone/Together   maoy  titulo sa bag-ong LzQuen movie.

Kahinumdoman nga si Direk Antoinette ang direktor kaniadto sa pelikulang Never Not Love You (2018 ) ug Love You to the Stars and Back (2017).

Nasayran nga mao kini ang unang pelikula nga buhaton ni Liza karong tuiga  ug wala pa siya ideya kung kanus-a masugdan ang lain niya nga movie project nga Darna.