Hulipan ni Regine?

CEBU, Philippines — Nihatag og katin-awan si  Toni Gonzaga kalabot sa nikatap nga tsismis nga matud pa tsugion na ang gibidahan niyang sitcom sa ABS-CBN nga Home Sweetie Home kauban si Piolo Pascual ug hulipan sa sitcom nilang Regine Velasquez ug Ogie Alcasid.“ Hindi pa namin alam, hindi ko lang sure. So far sa ngayon, wala pa namang advice. Kasi noong pumirma ako sa contract ko under ABS-CBN, part pa yung Home Sweetie Home. So hindi ko pa alam,”sigon pa ni Toni.

Parada sa mga bitoon

Napuno sa pagmaya ang 2018 Metro Manila Film Festival Parade of Stars kagahapong adlawa didto sa kaulohan.  Giparada ang walo ka mga floats sa walo ka  official entries nga nagtigi karon sa MMFF 2018. Ang awards night mahitabo karong December 27 didto sa The Theatre sa Solaire.

Mag-uban karong Valentine's Day

Mag-uban silang Vice Ganda ug Regine Velasquez sa usa ka Valentine's Day concert karong Pebrero 14, 15 ug 16, 2019 didto sa Araneta Coliseum. Makadungan nila og concert ang Timeless Classics nila ni Martin Nievera ug Lani Misalucha sa Solaire Ballroom ug I Wish You Love concert ni Zsa Zsa Padilla didto sa BGC Shangrila The Fort.

Suki horror movie

Nagkatawa lang ang Kapamilya actor nga si Jerome Ponce sa taho nga suki na gyud siya sa mga horror movies kay kasagaran niyang pelikula kay susama man niini. Bida karon ang aktor sa laing horror film nga lakip sa Metro Manila Film Festival 2018 nga giulohang OTLUM."Hindi ko alam kung bakit pang-horror ako parati. Pero okey lang, kasi enjoy din gawin ang ganitong movies,"sigon pa niini.

Proud si Jessy

Proud matud pa ang Kapamilya actress Jessy Mendiola sa iyang gibidahan nga Metro Manila Film Festival entry nga The Girl  In The Orange Dress sanglit daghan man ang bigating guests niini  nga sama sa iyang uyab nga si Luis Manzano, Jennylyn Mercado, Boy Abunda, Derek Ramsay ug Joanne Villablanca. Ang maong pelikula ubos sa Quantom Film.

Tips ni Dimples

Nihatag ang aktres nga si Dimples Romana og tips kalabot sa bank loans ug pag invest og property. Usa si Dimples sa malamposong artista karon ug giingong maayo kaayo kini momaniho sa iyang kita sa showbiz. "Bank loans are perfect especially when you are young, because you can stretch it to the maximum. And if ever you soar high in whatever career you are in, in the next two to three years, you can pay it off. And then eventually move on to your next property,"sigon pa niini.

Ellen is back!

Nagmaya ang mga fans sa Kapamilya sexy actress Ellen Adarna sanglit nibalilk naman kini sa Instagram. Nabatyagan sa iyang mga avid followers nga ni-active na og balik ang account niini human nag-deactivate niadtong Mayo. Mas gipili ni Ellen ug uyab niini nga si John Lloyd Cruz nga magpuyo sa pribadong kinabuhi.

Biktima pud diay

Gipaambit sa Kapamilya hunk actor Xian Lim nga usa sab siya ka biktima sa bullying kaniadto ug dako siya og pagmahay nga wala siya'y gitug-anan kaniadto sa iyang kasinatian. "Huge mistake I made was I kept quiet because I was scared. I did not tell my parents. I did not tell the authorities. If you’re being bullied right now, please speak up. We are here for you. There are others like you who feel scared and defeated,”sigon pa sa aktor.

Smile lang

Usa ka matam-is nga pahiyom ang tubag sa Former Ilocos Sur Governor Luis Chavit Singson sa isyu nga daw gipanag-iya na niya ang Miss Universe Philippines franchise nga 54 ka tuig na nga gihuptan sa Binibining Pilipinas Charities Incorporated (BPCI). Wala pa sad  niluwat og opisyal nga pamahayag ang BPCI kalabot sa maong tsismis. Gipanag-iya ni Chavit ang LCS Group of Companies.

#NoToBullying

Nagapagawas sab sa ilang kahiubos ang pipila ka celebrities kalabot sa nag-trending nga bullying video sulod sa campus sa Ateneo de Manila Junior High School department. Usa sa nokondinar sa maong sayop nga   binuhatan mao ang Asia's songbird Regine Velasquez. "Oh my goodness. I think we need to teach our children on how to defend themselves. I don't believe in violence but masama ba kung ipagtanggol mo sarili mo? Nakakagalit ito. #NoToBullying,"tweet pa sa singer.

Regalo karong Pasko

Magmalipayon ang Pasko sa aktres nga si Janice De Belen sanglit natawo na man ang ikatulo niyang apo sa anak nga si Luigi Muhlach ug asawa niini nga si Patty. Ginganlan nila og Ariella Atara Muhlach kinsa gipakatawo niadtong Disyembre 20. Gipaambit ni Janice sa Instagram ang hulagway sa iyang apo.

Nagplano na

Giangkon sa Kapamilya host Alex Gonzaga nga nagplano na sila og kasal sa iyang uyab nga si Mikee Morada. Gipaambit niya kini atol sa iyang paglugwa sa Magandang Buhay niadtong Biyernes. "Napag-uusapan na namin (ang kasal). Siyempre ang fake naman kung hindi pa napag-uusapan at tumatanda na rin. But alam namin kung ano ang time frame. May time frame kami sa isa't isa,"sigon pa niini.