Inatiman sa mga Pinoy
CEBU, Philippines — Mga Pinoy diay ang nag-train sa pambato sa Vietnam sa Miss Universe nga si H’Hen Nie .
Gipangulohan kini sa taga Bicol nga si Anjo Santos uban sa pag-abag sa iyang mga higala nga nagbase sa Ho Chi Minh City.
Si Anjo maoy nagsilbi nga coach ni Nie pinaagi sa pag-agni sa iyang higala nga national director sa Miss Universe Vietnam.
Dili basta-basta ang naagian ni Nie ilabi na sa pagtungha niya sa kolehiyo gumikan kay nag-agi gyud siya og daghang trabaho.
Manglimpyo siya og balay ug nahimo pud siya nga trabahante sa usa ka kan-anan.
Nag-tutor usab siya ug nagsilbing tig-apod apod og leaflet sa usa ka kompanya.
Most Followed Miss U Titleholder sa IG
Ang Pinay beauty queen nga si Pia Wurtzbach kasamtangag nagtangang sa titulo nga most followed Miss Universe Titleholder .
Sa report sa starmometer.com , nasayran nga moabot ngadto sa 7,305,076 ang iyang followers sa Instagram.
Samtang mao kini ang Top 10 nga Miss Universe titleholders nga gikagobtan sa IG:
1. Pia Wurtzbach – 7,305,076 followers
2. Paulina Vega, COLOMBIA – 4,525,490 followers
3. Olivia Culpo, USA – 3,607,595 followers
4. Sushmita Sen, INDIA – 3,585,148 followers
5. Catriona Gray, PHILIPPINES – 2,561,455 followers
6. Ximena Navarrete, MEXICO – 2,080,104 followers
7. Iris Mittenaere, FRANCE – 2,026,637 followers
8. Zuleyka Rivera, PUERTO RICO – 1,836,198 followers
9. Dayana Mendoza, VENEZUELA– 1,460,905 followers
10. Demi-Leigh Nel-Peters, SOUTH AFRICA– 1,290,606 followers
JM ug Barbie nagtingog na!
Human sa pipila ka semana nga wala nagtingog, giingong nagtagad na og balik sila si Barbie Imperial ug JM de Guzman.
Sa latest Instagram post ni Barbie, makita ang sweet nga hulagway nila ni JM.
Nagmaya og maayo ang ilang fans sa maong kalamboan.
Kahinumdoman nga nitumaw ang taho kaniadto nga na-busy si JM sa ubang babaye hinungdan nga wala niya matagad kaayo si Barbie.
Suportado sa boyfriend
Komedya pa sa boyfriend ni Miss Universe 2018 Catriona Gray nga si Clint Bondad nga mahimo siya nga single sulod sa usa ka tuig gumikan sa ka-busy sa iyang uyab. Suportado ni Clint ang career ni Catriona busa gipasalig niya nga dili siya mahimong babag niini.
Nalumos sa Siargao
Nanawagan si Sarah Lahbati sa iyang fans nga iampo ang iyang inahan kinsa nalandig sa tambalanan. Matud pa nga nalumos ang iyang inahan sa dihang nanuroy sila sa Siargao sa miaging adlaw. “Please continue praying for my mama. She’s finally back in Manila but her lungs are infected from the drowning yesterday and she is still in pain from the loss of blood when she vomited. She has fever, no energy and no appetite.... Lord please heal her. Please. Please pray for her fast healing...,” suma pa sa IG post sa aktres.
Komportable ra
Komportable ra kaayo si Sam Milby atol sa shooting sa pelikulang Mary, Marry Me kung diin kauban niya sila si Toni Gonzaga ug Alex Gonzaga. Suma pa ni Sam nga suod kaayo niya si Toni busa tulin ra kaayo ang dagan sa shooting. Nalakip ang maong pelikula sa Metro Manila Film Festival 2018.
Grado sa mga pelikula
Nahatagan og Grade A sa Cinema Evaluation Board ang pelikulang Jack Em Popoy The Puliscredibles ug Rainbow’s Sunset .Naka-Grade B usab ang Aurora, One Great Love, Mary, Marry Me, Fantastica, ug The Girl In The Orange Dress. Ipaubos usab sa review sa umaabot nga adlaw ang Otlum.
Walay kompetisyon
Wala maghuna-huna og kompetisyon ang maghigalang Vice Ganda ug Anne Curtis kalabot sa mga pelikula nila sa Metro Manila Film Festival 2018. Patas ra ang duha nga maka-promote sa It’s Showtime sa tagsa-tagsa nila nga mga pelikula. Si Vice ang bida sa Fantastica, samtang todo promote usab si Anne sa Aurora.
Mananambag na
Dili gyud malikayan usahay ni Yam Concepcion nga makahatag og mga bulawanong tambag ngadto sa pipila ka netizens nga magpatambag kaniya ilabi na sa mga nabiktima sa kabit . Nasayran nga kabit ang karakter ni Yam sa seryeng Halik sa ABS-CBN.
Napakyas sa Oscars
Wala makasulod sa shortlist alang sa Best Foreign Language Film category sa Oscars 2018 ang pelikula ni Direk Chito Roño nga Signal Rock . Moabot ngadto sa 87 ka mga pelikula gikan sa nagkalain-laing nasud ang gipangpilian alang sa maong kategoriya.Si Christian Bables ang bida sa Signal Rock ug nahimo kining kabahin kaniadto sa 2018 Pista ng Pelikulang Pilipino (PPP).
Banhawon ang tandem
Subling mag-uban sa usa ka proyekto sila si Bea Alonzo ug Ian Veneracion. Magpares ang duha sa umaabot nga pelikula sa Star Cinema. Una na nga nagpares ang duha kaniadto sa seryeng A Love to Last sa miaging tuig. Makauban usab nila sa maong pelikula ang aktor nga si Richard Guttierez.
Kever sa bashers
Tsika pa ni Toni Gonzaga nga 20 ka tuig na siya sa showbiz busa naanad na siya nga ma-bash sa iyang mga kritiko. Gipadayon ra gyud ni Toni ang iyang trabaho ug nihatag og igong kalingawan sa publiko.
Christmas bonus
Giisip ni Janine Berdin nga ang pagkalakip niya sa ASAP maoy usa sa mga dako nga Christmas bonus nga iyang nadawat karong tuiga. Sukad nga nidaog siya sa Season 2 sa “Tawag ng Tanghalan” , dili na gyud mabangbang ang schedule ni Janine.
Nagpungasi ang relasyon
Nagpungasi gyud ang love life ni Sarah Geronimo ug giubanan gyud niya ang iyang uyab nga si Matteo Guidicelli sa pagtikang dinhi sa Cebu sa miaging adlaw. Nasayran nga busy usab si Matteo sa iyang mga negosyo dinhi sa Cebu.
GisawaY hinuon
Gisaway og maayo sa fans ni Vice Ganda ang PBA player nga si Calvin “The Beast” Abueva human kini ni-post sa Instagram sa hulagway niini kauban ang iyang asawa. Suma pa sa fans ni Vice nga gipalaom ra gyud ni Calvin ang ilang idolo. Apan gitataw ni Calvin nga suod lang gyud niya nga higala si Vice.
- Latest