Thank You, Adrianna

CEBU, Philippines — Hiingpit na nga niretiro isip usa sa mga paborito nga Victoria’s Secret Angel ang supermodel nga si Adrianna Lima. Nahitabo kini niadtong nilabay nga adlaw atol sa Victoria Fashion Show 2018 didto sa New York, City, USA.  Nikabat ngadto sa 18 VS Fashion Shows, 5 Show Opening, 9 Segment Opening, 3 Show Closing, 3 Fantasy Bra & 47 Outfits ang namugna ug nasul-ob ni Adrianna.

No sexual harassment

Gibaraw ni Miss Earth Cuba Monica Aguilar ang alegasyon sa ubang kandidata kabahin sa sexual harassment nga nahitabo matud pa samtang nagpadayon ang pre-pageant activity sa Miss Earth dinhi sa Pilipinas. Suma pa niya walay harassment nga nahitabo. Tinuod  matud pa nga may sponsors nga nidapit aron magbakasyon sa Boracay apan nibalibad matud pa siya. Dugang pa niya kun aduna man gani sexual favor o harassment, sayon ra matud pa kanang balibaran kon disidido gyud ka nga dili ka ganahan.

Hapit namatay sa shooting

Diriyot diay mamatay si Alessandra de Rossi samtang gi-shoot nila ang pelikula nga “Through Night and Day” didto sa Iceland. Kini human may usa ka eksena nga nag-swimming si Alex sa pool bisan og labihan ka tugnaw kay maoy naa sa script. Gibuhat ra sab niya ang eksena, apan giangkon niya nga naglisud na gyud siya og ginhawa ug nagtuo siya nga mamatay na siya niadtong tungora. Ang direktor nga si Veronica Velasco nga nakabantay nga naglisud na ang aktres, gidali gyud dayon og human ang eksena. Suma pa ni Alex bisan og didto na sila sa ilang gi-istaran, gibati gyud gihapon niya ang labihan nga katugnaw.

Good luck, Katarina

Nilupad na  paingon sa China ang pambato sa Pilipinas alang sa Miss World Pageant nga si Katarina Rodriguez. Mag-istar siya didto og dul-an usa ka bulan sanglit sa December 8 pa ang coronation night.

Buwag na

Buwag na diay ang Girltrends  member nga si Sammie Rimando ug si Arjo Atayde. Matud ni Sammie maayo  ang ilang panagbuwag ni Arjo ug nga nakahukom sila nga mopukos una sa ilang career. No comment siya sa kasuod karon ni Maine Mendoza ug sa iyang ex-boyfriend.

Nag-uban na sab

Samtang nasigpatan nga nitan-aw og concert didto sa Quezon, City niadtong Huwebes sa gabii sila si Arjo Atayde ug Maine Mendoza. Daghan ang nagduda nga labaw pa sa panaghigalaay ang ilang relasyon karon. Niadtong Halloween break,  sila si Maine ug Arjo  nibakasyon sa Thailand kauban ang ilang mga higala.

Showing sa Ecuador

Gikalipay ug gipasigarbo gyud og maayo ni Sunshine Dizon ang iyang kanhi  teleserye sa GMA7 nga mao ang “Ika-Anim na Utos.” Kini kay human kini gisalida didto sa Malaysia, karon, sa Ecuador na usab kini gikagubtan. Kauban ni Sunshine niining maong toprating serye isip mga bida sila si Ryza Cenon ug Gabby Concepcion. 

Bag-ong ka  loveteam

Adunay bag-ong ka loveteam si Kathryn Bernardo sa umaabot nga pelikula niya sa Star Cinema kauban sila si Richard Gomez ug Sharon Cuneta. Kini mao ang kanhi PBB housemate nga si Tommy Esguerra. Pagaulohan og “Three Words To Forever” nga ubos sa direksyon ni Kathy Garcia-Molina, makauban sab sa maong pelikula sila si Jorross Gamboa, Freddie Webb ug Tinay Lorena.