Gikanta ang kasakit

CEBU, Philippines — Human miangkon nga nakasinati siya og physical abuse gikan sa aktor nga si Elmo Magalona, nikanta ang aktres nga si Janella Salvador og Dua Lipa hit song nga "I Don't Give a F***" atol sa concert sa iyang ex-love team nga si Marlo Mortel niadtong Biyernes. Giingong haom kaayo ang lyrics sa maong awit sa kasamtangan nga kasinatian sa aktres.

Nag-viral ang video

Nag-viral sa social media ang Kapamilya actress nga si Kim Chiu tungod sa usa ka video  kung diin makita nga nikanta siya og  "Flashlight". Nasuta sa maong video nga naglisod og kanta si Kim sa maong awit hinungdan nga napuno kini og pagsaway sa netizens. Ang maong video clip kay kuha atol sa 10th anniversary ug  birthday concert ni Kim niadtong 2016.

Misukol na gyud

Wala na gyud kaagwanta si Regine Velasquez ug mitubag na sa iyang bashers kinsa wala'y puas sa pagsaway kaniya human nibalhin sa ABS-CBN gikan sa GMA-7. "Again WORDS ARE VERY POWERFUL. hindi porket hindi ako nagsasalita eh ok lang na bastusin nyo ko. Hindi kayo [ang] iniwan ko!" suma pa sa social media post sa  Asia's Songbird.

Gikasal na!Nagbinayloay og panumpa isip bag-ong magtiayon ang  duha ka Kapuso stars nga silang Archie Alemania ug Gee Canlas niadtong Sabado didto sa Laguna. Pipila sa celebrities nga nitambong sa ilang kasal mao silang Michael V., Juancho Trivino, Mikoy Morales, Chariz Solomon, Ashley Rivera ug uban pa.

Nag-abot na gyud

Hingpit na gyud nga nagkatagbo silang Hashtags member Kid Yambao ug Kapuso star Rhian Ramos, kinsa kanunay'ng isulti sa ilang fans nga kaparehas og nawong human nahimong trending ang transformation sa nauna isip Kid Kardashian sa Ms. Q&A aniBEKSary edition sa It's Showtime. Daling gi-upload sa hashtag member sa Instagram ang hulagway nilang duha ni Rhian.

Dapat natural lang

Gipaambit sa Kapamilya loveteam Edward Barber ug Maymay Entrata ang ilang sekreto nganong daghan ang kiligon nilang duha. “Bale hindi naman kailangan paghandaan talaga na kailangan ganito gagawin mo, hindi ganun. Kusa lang siyang lumalabas para mas maging natural. Magpakataotoo ka lang tapos hindi mo kailangan i-push yung sarili mo para magpakilig,"sigon pa sa duha.

Nangandam na

Gipaambit sa Kapamilya star Makisig Morales nga na-busy na siya karon sa pagpangandam sa kasal nila ni  Nicole Joson nga mahitabo sunod tuig. Giasoy sa aktor nga dili matod pa siya ganahan nga dugayon pa ang pagpakasal kay sigurado na gyud siya sa iyang gibati ngadto sa iyang hinugma. Human sa ilang kasal,gikatakda silang molarga sa Australia ug didto na sila magpuyo.

Likod sa kamera

Gipaambit ni Megastar Sharon Cuneta sa Instagram ang behind the scene photos nila ni Richard Gomez ug Kathryn Bernardo samtang nag- shoot sa pelikulang 'Three Words to Forever'. Makita sa maong hulagway nga nagsakay silang tulo og kabayo ug nagsul-ob og cowboy attire. Ang maong upcoming Star Cinema movie kay ubos sa direksyon ni Cathy Garcia-Molina.

Bakasyon ang regalo

Gipaambit sa Kapamilya teen actor Joshua Garcia nga usa ka espesyal nga bakasyon ang giregalo sa iyang ka-loveteam nga si  Julia Barretto ngadto kaniya. Nagbakasyon sila didto sa Batangas kauban ang pamilya ni Joshua. Wala na matod pa’y birthday wish sa iyang kaugalingon ang aktor kay nakuha na niya tanan niyang gipangayo.

Best actress

Nidaog isip Best Actress ang komedyanteng si Pokwang sa bag-o lang natapos nga Quezon City International Film Festival 2018. Si Pokwang ang bida sa pelikulang "Oda Sa Wala" diin naangkon sab sa ilang direktor ang Best Director award. Midaog sab isip Best actor si Eddie Garcia alang sa  pelikulang Hintayan Sa Langit.

Mitubag sa basher

Gitubag sa aktres nga si Coleen Garcia ang usa ka netizen kinsa miingon kaniya nga aduna siya'y kalagot ngadto kang President Rodrigo Duterte. "Paano niyo naman po nasabi na galit ako sa kanya? Yes, there are some things that I have questioned and disagreed with, but there are also many things I am grateful for,"sigon pa sa aktres.