Ganahan gyud og action!

CEBU, Philippines – Sa hinay-hinay nga paagi, nakab-ot ra gyud  sa aktres nga si Andrea Torres ang  iyang pangandoy nga makaangkon og challenging role.

Kasamtangang nalakip ang aktres sa action-fantasy primetime series sa GMA-7 nga “Victor Magtanggol” diin nidala siya sa role nga “Goddess Sif.”

Suma pa niya sa kadaghang action scenes,  nabaid og samot ang abilidad niya sa maong klase nga eksena.

“Yung role ko, Goddess siya ng love and family. Namatay kasi si Thor at siya talaga ang tunay na may-ari ng `Mjolnir’. At dahil si Alden nga ang napili niyang tagapagmana anduon ako para tulungan si Alden na magampanan yung role niya na tagapagtanggol,” matud pa niya.

Kahinumdoman nga dili na bag-o kaniya ang action, sanglit nalakip siya kaniadto sa ”Alyas Robin Hood”  nga gibidahan ni Dingdong Dantes.

“Hindi  naman  puwede na magpa-cute ka nalang palagi sa harap ng camera. Minsan talaga, gawin mo yung mga bagay na  hindi mo ginagawa before.  Dito kasi sa Victor Magtanggol, sobrang  malaki yung action scenes , dapat handa palagi ang katawan mo sa mga mabibigat na eksena.”  Tsika pa niya ngadto sa Cebu Entertainment Group atol sa pagtikang niya dinhi sa Sugbo dili pa lang dugay .

Kontento  na si Andrea sa maayong dagan sa iyang career, gani nagsagunson gyud og maayo ang iyang projects sa GMA-7.

Nakalugwa na ang aktres sa   “D’ Originals” ug ”Contessa”  nga nagpamatuod nga wala  gyud mabakante ang iyang career.

Usa sa mga gibuhat ni Andrea sa pagmintinar sa maayong hulma sa iyang lawas ang kanunay nga pag-ehersisyo.

“Kinakailangan talaga siya, lalo na sa role ko didto sa Victor. Energy talaga kahit naman sa mga times na wala akong soap, lagi akong nagwo-workout, tuloy-tuloy po siya, so nakakatulong sa stamina. I’m also into martial arts: muay thai at boxing,” suma pa sa aktres.

Dali matud pa ang buhaton matag taping, gani sa usa lang ka eksena, daghan gyud og kuhaon nga anggulo niini.

“Alam naman natin na naranasan ko na ang  action scenes noon pero ngayon ko lang nakita yung ganito ka kilatis na aabot kami ng tatlo o apat na oras  sa isang eksena lang  . Tapos may harness pa na minsan kailangan pang ulit-ultin,” matud pa niya.

Sa pangutana, kun mo-react ba usahay sa iyang performance ang  iyang  mga suod  nga higala o ba kaha pamilya , nilenggua ang aktres og ,”Ako biggest critic ko ay ang sarili ko . Di naman nagko-comment ang parents ko. Minsan meron akong napapansin na parang okay naman sa kanila. May pagka-perfectionist kasi ako.  Titigan ko talaga yung screen, para malaman ko kung ano ang dapat ko na i-improve.”

Nasayran nga  nagminyo na kasagaran ang barkada ni Andrea apan gitataw niya nga wala siya na-pressure.

Ang higala niya nga si Max Collins aduna na’y  Pancho Magno, samtang ang lain niya nga higala nga si Rochelle Pangilinan nagminyo na kang  Arthur Solinap.

“Hindi ko dapat i-pressure yung sarili  ko. Masaya naman ako sa buhay ng mga kaibigan ko.  Tina-try ko na lang na wag i-pressure yung sarili ko. Hindi dapat ipilit kung wala, di ba? Darating din yan sa tamang panahon. Ang nasa isip  ko ngayon nasa work talaga.  Feeling ko rin naman hindi pa ako ready,” matud pa niya.

Matag tikang ni Andrea dinhi sa Cebu, dili gyud niya sipyaton  ang lechon baboy.

“Sobrang sarap ng lechon dito,   kapag pupunta kami didto sa Cebu, nasa isip ko, wow  masarap na lechon na naman ang kakainig ko,” panapos pa niya.