Vice, misyonaryong foreigner ang bagong kinahuhumalingan
Biglang sikat ang escort lang sana ng mga kandidato sa Miss Q&A na si Greg Hawkins. salamat sa isang Vice Ganda na una nang pinasikat si Ate Girl o Jacque Gonzaga sa unang season ng Miss Q&A. Guwapo si “Kuya” kaya agad na-attract si Vice.
Half American, half-Korean ang bagong pantasya ni Vice na mas kapani-paniwala dahil lalaki siya at hindi girl na tulad ni Jacque. Isa siyang misyonaryo ng mga Mormons kaya mabilis natuto ng lengwaheng Pilipino. May taas siya ng 5’ 10” at 25 taong gulang. Isa siyang college graduate at gustong mag-pursue ng karera sa showbiz sa ilalim ng management ni Lito de Guzman.
Jolo naging composer dahil kina Jodi at Rhian
Gumagawa pala ng kanta si Vice Governor Jolo Revilla? Mayro’n daw itong kinompos na isang kanta para kay Jodi Sta. Maria pero, ma-appreciate kaya ito ng ex niya kapag nalaman nito na binigyan din niya ng kanta si Rhian Ramos? Balitang after Jodi ay ang Kapuso actress naman ang sinasabing pinakamalapit na babae sa puso ng aktor/pulitiko. Mapunta kaya ang closeness nila sa romansa?
Albie pinanghihinayangan kapag walang ganap
After Pusong Ligaw, muli na namang mapapanood sa isang mahabang role sa isang teleserye ang magaling na kabataang artista na si Albie Casiño. Marami ang naiinip at nanghihinayang kapag idle siya dahil magaling siyang artista at nasasayang ang kanyang talento. Buti na lang at na-cast siya sa Los Bastardos ng ABS-CBN. Mapa-bida man o kontrabida, mapapasabak sa galing niya ang sino mang makakasama niya.
Sharon pinatunayan ang yaman
Hindi matapus-tapos na pag-usapan yung ginawang pagbibigay ni Sharon Cuneta ng diamond studded bracelet kay Vice Ganda.
Hindi maipagkakaila na hindi mumurahin ang regalo dahil kumikinang, saan man ito tamaan ng liwanag. Galing naman magpa-thank you ni Mega. Muli, pinatunayan ni Sharon kung gaano siya ka-rich.
- Latest