KathNiel movie naka-P35.9M

CEBU, Philippines – Gidumogan dayon sa fans nila ni Daniel Padilla ug Kathryn Bernardo  ang  unang adlaw sa pagpasalida sa pelikulang  The Hows Of Us niadtong Miyerkules, August 30.

Nikita og P35.9 million sa opening day ang maong pelikula   busa nagmaya og maayo ang Star Cinema.

“#TheHowsOfUs has earned 35,938,622.74 million on its first day of screening! Record-breaking!,” suma pa sa social media post sa maong movie outfit.

Sa mga social networking site, nagbaha usab ang mga positibong feedback  kalabot sa maong pelikula.

Nagtuki kini sa istorya sa duha ka binuhat nga nag-agi og mga daghang pagsulay aron lang gyud mahuptan ang ilang relasyon.