Maroon 5 mobalik sa nasud
CEBU, Philippines – Naghudyaka ang Pinoy fans sa sikat kaayo nga grupong Maroon 5 human niulbo ang taho nga motikang og balik dinhi sa nasud ang ilang idolo.
Mag-concert matud pa ang maong grupo sa unang quarter sunod tuig, apan karon pa lang daan nag-atang na ang ilang fans sa anunsyo kung kanus-a masugdan ang pagbaligya sa ticket niini.
Nasayran nga dunay concert tour ang Maroon 5 sa nagkalain-laing dapit sa Asya. Gawas sa Pilipinas, mag-concert usab kini sa Japan, South Korea, Taiwan, China, Singapore, ug Thailand.
Kasamtangang gi-promote sa maong grupo ang ilang ikaunom nga studio album, nga “Red Pill Blues” nga gilangkoban sa ilang hit songs nga “Girls Like You,” “Wait,” ug “What Lovers Do.”
Katapusang nitikang sa Pilipinas ang Maroon 5 niadtong 2015 ug gidumugan gyud og maayo ang ilang concert.
Si Adam Levine ang front man sa Maroon 5 nga maoy nagpasikat sa awit nga Wont Go Home Without You , Moves Like Jagger, Makes Me Wonder ug uban pa.
- Latest
