Manamilit na

CEBU, Philippines – Duha ka semana na lang ug tapuson na ang pag-ere sa pantaserye nga “Bagani” nga gibidahan nila ni Enrique Gil ug Liza Soberano. Mipagawas na ang ABS-CBN og finale teaser dili pa lang dugay. Kapin sa lima ka buwan ang pag-ere sa maong programa sa Kapamilya network.

Na-enjoy sa pagkanta

Mas palambuon pa ni Claudia Barretto ang iyang karera karon pinaagi sa paglusad og mga kanta nga mismo siya ang nagsuwat. Sa ikaduhang tuig niya sa  Universal Records, matud pa niya nga daghan siya og ipagawas nga mga kanta karong tuiga. Wala pay tataw nga tubag si Claudia kun aduna ba sab siyay plano nga sudlon ang kalibutan sa pag-arte. “Well, let’s just see. I never say never. I believe that if an opportunity arises, you just say never say never”, pung pa sa 18 anyos nga singer.

Nakasuway og depresyon

Sa maayong dagan sa karera sa Buy Bust star nga si Anne Curtis-Heussaff sulod sa 21 ka tuig, matud pa niya nga duna puy higayon nga  nakasinati  siya og depresyon. “I’ve had my fair share of depression and anxiety - a lot has to do with, in fact with the press and having the stress of press when I was going through something very, very tough. So a lot of anxiety built up na parang feeling ko ayoko nang humarap sa tao,” butyag pa sa It’s Showtime host.

Puwerting  lipaya

Giangkon ni  Mikee Quintos nga nagmaya gyud siya kaniadto sa dihang nasayran niya nga iyang makauban  ang  iconic actress nga si Nora Aunor sa GMA serye nga “Onanay”. “Nung nalaman ko, as in, ‘Oh my God! Serious? Serious?!?’ As in, ang unang-unang dating sa akin, sabi ko, ‘Ayokong ma-excite, ayokong ma-excite!’ Kasi pag na-excite ako masa-sad ako kapag hindi natuloy, e”, suma pa ni Mikee.

Gusto mag-artista

Gusto nga sudlon sa igsuon ni Nathalie Hart nga si Kenneth Snell ang kalibutan sa showbiz. Ang labing unang TV exposure ni Kenneth mao ang paglugwa niya sa programa nga Magandang Buhay kagahapon. Ang 24 anyos nga manghud ni Nathalie mao ang nahimong 4th runner-up sa Ginoong Laguna 2018.

Nakawala sa kulba

Nagkita na gyud ang bida sa Onanay nga si Jo Berry ug ang iyang idol nga si Pambansang Bae Alden Richards human nga nahimo kining guest sa Sunday PinaSaya niadtong Agosto 5. Suma pa sa Instagram post ni Jo nga si Alden gyud  ang nagpawala sa iyang kulba sa iyang labing una nga live guesting sa maong programa.

Dili mangutang

Alang kang  Edgar Allan Guzman , aduna pa’y kulang sa iyang kinabuhi. Matud pa niya nga dili pa panahon nga moundang siya sa trabaho gumikan kay wala pa niya matuman ang iyang main goal nga makapatukod og balay. Dugang pa ni EA nga mataud-tauran pa kini og patukod gumikan kay wala pa siya’y igo nga pundo ug dili sab siya interesado nga mangutang sa bangko.

Magpabiling Kapuso

Pabilin gihapon nga Kapuso star si Gabby Concepcion. Niadtong Lunes lang, mi-renew ang aktor sa iyang kontrata. Kahinumdoman nga nagbalhin-balhin kaniadto si Gabby og network, apan niining higayona, nakontento siya og maayo sa iyang career sa GMA-7.

Emosyonal sa pagbiya

Emosyonal gyud nga gihinumduman ni Yeng Constantino ang mga panahon sa dihang kalit lang nga nawala sa iyang kiliran ang iyang igsuon nga si Donna tungod kay milayas kini sa ilang panimalay. Matud pa ni Yeng nga mao kini ang nimatuto kaniya ug giisip kini niya nga ikaduhang inahan. Asoy pa ni Yeng nga masulub-on gyud siya sa dihang nawala kini sa iyang kiliran. “Mayroon akong konting tampo noong bata ako. Kasi nga ikaw ‘yung nandoon, tapos biglang ‘asan na?’ Parang nawalan talaga. Ngayon nai-kuwento mo na sa akin. Buo na ang istorya sa puso ko, wala akong hinanakit, naiintindihan kita. Mahirap ‘yon”, suma pa ni Yeng.