Nag-una sa Twitter

CEBU, Philippines — Gianunsyo sa Twitter ang Top Five most-talked teleseryes sa Pilipinas sa unang quarter sa 2018. Gilangkuban kini sa nag-unang shows sa ABS-CBN ug GMA-7, ang La Luna Sangre, Bagani, Wildflower, Kambal Karibal ug Sherlock Jr.

Naka-move on na!

Naka-move on na matod pa ang Rapper-actor nga si Young JV gikan sa nikatap  niya nga sex video scandal kaniadto. “If I deny it more, mas pangit para sa akin. So, sinabi ko na lang I own up to it po. Everyone makes mistakes, lahat po tayo puwedeng bumangon sa mistakes,” butyag pa sa aktor.

Ihatag sa lain

Gibutyag sa singer nga si Jake Zyrus nga posibling balibaran niya kun ugaling hagdon siya og balik nga makig-duet sa international singer nga si Celine Dion. Sigon pa sa 25-year-old performer, buot niyang hatagan og chance ang young singers nga makasinati og susama sa iyang unforgettable moment kauban ang Canadian hitmaker.

Milagro

Dakong milagro ang nadawat sa pamilya Valenciano human sa paspas nga recovery sa padre de pamilya nila nga si Gary V human kini gioperahan sa kasingkasing. “He’s a walking miracle talaga,” paambit pa sa anak ni Gary V nga si Paolo.

Sekreto ni Jessy

Gibutyag sa kapamilya actress nga si Jessy Mendiola nga dakog gikatabang kaniya sa iyang pagpasexy ang pagbaton niya kanunay og kalinaw ug kompyansa sa iyang kaugalingon.”Mas naging kalma na ako ngayon. Kasi dati, , pag pine-pressure kang magpa-sexy, lalo kang nai-stress, lalo kang kakain,”sigon pa sa sexy actress.

Para sa nasud

Gikatakdang mag-shoot para sa Victoria Secret ang Filipino-American model nga si Kelsey ug giisip niya kining dakong katumanan sa iyang pangandoy aron maghatag og dungog sa nasud. ‘I work this hard to make the Philippines proud. Love you all,” tweet pa sa model.

Anam-anam ang pagdawat

Gibutyag sa  aktres nga  si Michelle Madrigal nga  naghinay-hinay pa siya og dawat sa dakong kabag-ohan sa iyang kinabuhi sukad siya nasakit. Kahinumdoman nga gianunsyo ni Michelle sa miaging adlaw ang pagka-diagnose sa disease o sakit sa iyang goiter.

Pekeng supporters

Nagpaabot sa iyang pasalamat ang aktres nga si Nadine Lustre ngadto sa iyang mga fans kinsa walay puas nga nisuporta sa iyang karera. Nag-post sa Instagram og taas nga mensahe diin nipadungogdungog sab ngadto sa giisip niini nga fake fans.

Excited na si Claudine

Nagpanikad na ang aktres nga si Claudine Barretto sa pagahimoon nga movie comeback niini human sa tulo katuig nga nipahuway sa pag-arte. Gikatakdang buhaton ang maong pelikula didto sa France ubos sa Kita Kita director Sigrid Andrea Bernardo.