Kristine, mas gwapa!
CEBU, Philippines — Nagkalain-lain ang reaksyon sa televiewers sa paglugwa ni Kristine Hermosa sa Bagani niadtong Miyerkules.
Dinhi naumol ang expression nga “Ganda sa Ganda” gumikan sa panag-abot sa mga guwapa kaayo nga aktres nga sila si Kristine ug ang bida sa Bagani nga si Liza Soberano.
Duna’y pipila ka netizens ang nilenggua nga mas guwapa gihapon si Kristine ug wala gyud nahupas ang katahom niini sa TV screen.
Sa maong eksena giluwas ni Malaya (Kristine) si Ganda (Liza) gikan sa mga kamot sa kaluha nga sila si twins Toto ug Tata (Fourth ug Fifth Solomon) mga gitawag usab nga Kambal Kurimaw.
Kahinumdoman nga si Kristine maoy giisip kaniadto nga goddess sa ABS-CBN sa iyang henerasyon, ug giisip nga counterpart niya karong panahona mao si Liza.
Nagbaha usab ang mga feedback nga hugyaw ra ang pagbalik ni Kristine sa pag-arte gumikan kay gihangop dayon kini sa publiko.
- Latest