Werk, Werk, Werk!

Avisala sa mga kaBisChika! Ano na? Giunsa ninyo pagsaulog ang Valentine’s Day? Happy ba gyud? O di ba kaha “ nga-nga” lang gihapon? Hahahahhaa! Usa sa mga tawo nga akong nailhan nga very happy kaayo pag Valentines Day kay ang akong kanhi  kauban sa Oi Show Nato Ni program sa GMA 7 nga si ate Recca Marie Menchavez. Alangan noh, gahapon lang nipaso na siya sa San Pedro Calungsod Chapel kay finally nakit-an na ni Ate Recca ang iyang Forever nga si Mark Malabanan. Bongga kaayo ang kasal ni Ate Recca! Ambot oi ngano man gyud basta morampa na ang bride dili gyud nako kapugngan ang mohilak, labi na kun nindot kaayo ang kanta, makaingon ko sa akong self nga “ asa na ang akong better ang akong better half? “  hahahhahahaha! Mao nga atangi sunod Domingo ang mga moments sa  Malabanan – Menchavez Nuptials!

Siyempre, ang Valentine’s Day kay espesyal nako bahala og wala'y ka date kay kini ang  birthday sa akong gwapa nga pag umangkon /anak, Heart Martha Deldig Calo. Happy na kaayo ko nga usa ka halok ang gisukli ni Heart sa akong kapoy nga lawas ug pasalamat sa iyang birthday celebration.  Spread Happiness! Happy Birthday Heart Martha!

Kay best in raket man ang inyong Yur's truly pag Valentine’s Day mao nga wala nako na-feel ang mga buwak ug chocolates nga nagbaha sa social media kay ang akoa werk,werk, werk! Una nakong giraket ang event sa Colonnade Supermarket Colon para sa ilang Singing in Tandem diin adunay unom ka paresan  nga nagpabilib sa mga manan-away ug mga hurado. Ang nakanindot sa maong singing contest kay puros love songs ang ilang gikanta. Maka-inlove gayud samotan pa nga ang set up ug palibot sa lobby puno sa gugma mao nga naHugyaw ko nga dunay mag-uyab gyud nga gihimo nilang kabahin sa ilang pagsaulog  sa Valentine’s Day ang singing contest sa maong tindahan.  Ang nigawas nga mananaug kay si Jessa Abaquita ug Rommel Roseque nga gikanta nila ang “Hanggang Ngayon.”  Nanghatag usab og papremyo ang Colonnade pinaagi sa among games nga mga Hugot Lines ug nagpakanta pud ko og mga love songs nga gikan sa audience. Adunay couple nga nikanta; dunay 71 years old nga lola nga nibirit usab. Mao nga ang kahaponon sa inyong Mother Butanding love na love na kaayo.

Pagkahuman, layat dayon ang akong beauty sa Coronation Night sa Mr. and Ms. AIT 2017, usa kini sa mga highlights sa ilang 21st Foundation Day! Malipayon kaayo si Mrs. Golda Ybanez – Tan, ang ilang school principal sa Advance Institute of Technology  nga ang tanan ni-cooperate sa ilang mga activities ug nihatag sa ilang dakong suporta, mao nga sunod tuig mas ilang pang hugyawon ang ilang Foundation Day. Nakaingon ko og " Wow" ikaupat na nako katuig nga nag-judge sa maong indigay. Sa opening production number pa lang sa maong contest nilugwa ang past three winners sa Mr and Ms. AIT. Hala noh? Nakahinumdum ko kaning mga bataa pag-apil nila kay maulawon pa kaayo, karun very confident na on stage. Karun tuiga mas mubo apan mabulukon ang ilang programa kay pagkahuman sa opening production number nagpakitang gilas on stage ang mga estudyante sa sayawan, adunay mga teachers nga ni birit sa kantahan plus dunay mga bisita nga nihalad usab og kanta mao nga "WOW " matag tuig adunay gipakitang bag-o ang AIT. Bilib ko sa mga teachers ug school administrators nga full force kaayo sa pag-organize sa maong event ug sa akong nahibaw-an dili lang beauty contest sa mga teens ang ilang gimugna naa pa'y para sa mga college ug sa elementary ug lain pang mga activities. Mao nga usa ka kusog nga pakpak para kaninyo. Balik sa indigay, ang unang exposure kay ang school uniform, pagkahuman ang evening gown ug formal wear.  Gitawag  ang Top 10, gisunod dayon ang Question & Answer portion ug announcement of winners.

Mao kini ang kumpletong listahan sa mga mananaug sa Mr. and Ms. Advance Institute of Technology 2017:

        Mr. Teen AIT 2017:        Jhaliel Tangoan

                1st Runner-up:        Joshua Almacin

              2nd Runner-up:        Kent Stephen Berdin

               3rd Runner-up:        Lee Lord Villagonzalo

               4th Runner-up:        Omar Navarra

        Ms. Teen AIT 2017:        Krystyl Jan Lyka Babon

                1st Runner-up:        Wynn Angelie Ochon

              2nd Runner-up:        Angela Isabel Farro

               3rd Runner-up:        Alessa Kaye Marie Forrosuelo

                        4th Runner up:           Jenica Salfamones