Mahubog sa kakilig

Avisala mga KaBisChika! Unsa naman gyud? Pila nalang ka adlaw kay adlaw na sa gugma. Okey, fine!  Sa mga duna’y mga ka date karung Valentines Day, have fun and enjoy! Hahahhaha!, Bitter si Mother Butanding oi! Bitaw, abi nako mag -advance ko sa akong Valentines Day kay naa man ko’y friend nga nanaug karun sa barko unya ni OPM nakog date, puwerte nakong lipaya pero hangtud karun NGA-NGA akong beauty. Pero sige lang hangtud naa mo mga KaBisChika nga nahigugma kanako I don’t need a man hahahahah!  Mao nga dungan kita mag-maoy, Dili kanang manakit kita sa laing tawo ha? Kanang maoy nga maka make feel you good. Ana Lang!

Make you feel good ang umaabot nga movie nilang Maja Salvador ug Paolo Avelino nga  I’m Drunk I Love You,  kay sa trailer palang makalingaw na, unya ang istorya mahitungod sa duha ka tawo nga dugay nang amiga ug amigo. Duna’y usa ang nahigugma sa iyang best friend. Hala oi! Daghan maka-relate niini  ug seguradong makilig ka og maayo. Mao nga mapasalamaton kaayo ang among team,  ang Yur Events and Productions nga sa pagbisita sa mga cast kay natagaan kami og higayon nga makatrabaho ang events group nga gikan sa Manila  nga nag-handle sa ilang mall tour.  Didto sa Robinsons Galleria Cebu nahitabo ang I’m Drunk I Love You Mall Tour ug sayo palang sa buntag, nagbabag na ang maong team para sa pag- andam sa tanan gikan sa stage backdrop, pamutang sa tarpaulin, paglukot sa posters nga para ipanghatag ug siyempre ang mga prizes para sa  games.

Bag-o kini sa among team nga makatrabaho ang laing events group, pero walay problema basta kahibalo ka sa imong trabaho go lang.  Nahimo ko nga  floor director ug ang among host kay si Blinky sa MagTV!  Unya ang akong mga kauban kay na -assign sa music, sa talents coordination ug production assistant. First  time ko nakakita sa show nilang Medyo Maldito ug Snake Princess nga comical skit with matching hugot ug kantahan. Sa tinuod lang, nalingaw ko sa ilang mugna ug ang mga audience puwerteng bahakhak. Consistent si Snake Princess sa iyang character on stage nga Medyo Maldita ug dapat siya lang gyud ang gwapa! Hahahhaha!. Unya si Medyo Maldito, ang mga girls kilig overload sa mga hugot lines. Bisan og medyo wala sa tono si Snake Princess kay all out  siya sa iyang pagkanta.

 I am very happy nga nagkita mi ni  Snake Princess sa unang higayon nga ni-grow na as a snake I mean as a person  sa mga shows nilang MM ( Medyo Maldito ) left and right , nakatabang kini og dako kaniya labi na sa iyang pamilya nga naa sa Bohol. Siguro sa panahon nga gi interview nako siya para sa Banat Hugyaw nga one day one eat siya, karun  everyday eat lang ng eat. Bitaw, usa lang sa akong na obserbahan ni Snake off stage kay naa siya’y iyang kaugalingong kalibutan ,dili kaayo siya managad mao nga dapat imo siya duolon ug istoryahon pero kung imo na siya maBisChika okey man diay siya. Pero mas naHugyaw ko kay paglakaw na nila ni MM ug Snake Princess, si Medyo Maldito ang gabitbit sa heels ni Snake Princess ug nakapanawag ko ni MM “ ikaw gyud ang mobitbit ana” gwapa gyud si Snake Princess oi! Hahahhaha!

Balik sa Mall Show sa I’m Drunk I Love You, tagsa tagsa ni -perform ang mga bida nga nakapa-hugyaw sa tanan. Gitagaan gyud nila og higayon ang ilang fans nga maka- moment nila pinaagi sa pagnaog  sa stage ug pagduol kanila. Mao nga karong February 15 , ato na  nga matan-awan sa mga sinehan ang   maong pelikula ug  feeling nako daghan ang mahubog sa salida , dili tungod nahubog sa beer , pero mahubog sa kakilig!

YUR'S TRULY MALL SHOWS: KITA KITS!

FEBRUARY 12 - COLONNADE SUPERMARKET MANDAUE 4PM FOR A VALENTINE SHOW

FEBRUARY 14 - COLONNADE SUPERMARKET COLON 4PM FOR A VALENTINE SHOW