Gigisi ang papel

Hugyaw nga BisChika mga KaBisChika! Kadali lang gyud sa adlaw, bag-o lang gani nag Sinulog, mga sunod adlaw  Buwan na sa Gugma. Murag feeling nako karung tuiga kay copy paste sa mga nahitabo niaging tuig… Solo flight… Well, pwede man nimo imong e-treat imong kaugalingon sama sa usa ka kanta nga Love Yourself. Mura’g hugyaw kay para makahatag ka og love sa uban dapat unahon nimo pag-love ang imong kaugalingon. Pero basin pa diay naay makig-date? Hahahahahha? Hopeless romantic si Mother Butanding…unsa ni panawagan?

Mapasalamaton kaayo ang GMA ARTIST CENTER sa bag-ohay lang nahuman nga auditions para sa mga aspiring artista.  Wala man kini gi-plug sa telebisyon pero isip regional talent scout ang inyong Yur’s truly, akong gipang-invite ang mga kaila nako nga dunay modeling agency, mga handlers, make-up artists ug akong mga na-scout sa mga events nga gipang-raket nako.  Happiness kay ang mga aspiring artista full support kaayo ang ilang mga parents, mga amiga ug amigo. Naay uban usa ka barangay ang gidala, hahahaha! Tungod sa ilang mga damgo ilang gibuhat ang first step gyud, ang pag-audition, giingnan nako sila nga part na sa journey nila ang molinya ug maghuwat. Siguro kun dili sila matawagan sa GMA Artist Center dili na siya ginaingon nga katapusan na sa ilang pangandoy, ang pasabot niana nga dili pa gyud para ilaha ang maong project. BisChika pa nako nila nga maabot  ang saktong panahon ug “Meant To Be” para nimo God will put you there kung asa ka nabagay!

 Pero kahibalo mo dili diay ingon ana kasayon mahimong talent scout kay naa koy BisChika nga usa sa mga dili kaayo nice nga experience. Last year kay nag-host ko og christmas party sa Moalboal,Cebu. Tungod kay usa kini ka resort ang mga kasagaran nga mga bisita kay mga langyaw, grabe kaayo ang akong nosebleed pero gikaya. Dunay usa ka game, unya nanguha ko og mga players per table. Dunay usa ka ulitawo nga abi nako foreigner--ang mugna half-Filipino half- German siya. Gumikan sa iyang ka gwapo nagpaila ila ko og unsa ang akong trabaho unya ang mama nga Filipina okey ra kaayo. Wala ko kabalo nga ang papa naa sa akong tupad naminaw unya kay abtik man ko nagpapirma sa GMA Artist form dili gyud malikayan nga dunay mga information nga personal sama sa schedule sa class , name sa parents ug trabaho. Nahugyaw ko kay kalit kining gikuha sa papa gitan-aw ang papel ug iyang gigisi ang form. Dili ko ganahan mo agaw sa eksena,  ang akong gibuhat kay gikuha ang gigisi nga papel ug ni lenggua ko sa ulitawo nga “its okey”, smile and lakaw! Hahhahahaha! Shocks kaayo oi!

Balik sa audition  ingon  pa ni Christian Torio of GMA ARTIST CENTER MANILA  “ ang daming mga potentials“,  maong nalipay ko nga na-deliver nako sa akong boss ang gusto niya, nabuhat nako ang akong trabaho ug labaw sa tanan proud ko nga daghan ang mga potentials sa mga umaabot nga programa sa GMA Network. Mao nga sa mga ni audition, salamat kaayo. Huwat lang mo sa tawag sa taga GMAAC, (GMA ARTIST CENTER), para sa mga dugang detalye. Pero sa mga dili matawagan padayon sa inyong mga damgo sa kinabuhi!