Beautiful Day

Happy Sunday mga KaBisChika! Ug siyempre HAPPY FIESTA LAPU-LAPU CITY! Feeling nako naa nako’y dugo ni LapuLapu kay para sa mga KaBisChika nato diha sa mga wala nasayud mga lima nako katuig nagpuyo sa Historic City ang Lapu-Lapu. Daghang mga activities nga gipahigayon ang maong siyudad mao nga sigurado gyud ko nga malingaw ang mga Oponanon ug ang mga bisita. Flashback ko gamay, wala nako damha nga malagpot ko sa Lapu-Lapu City ug siguro naa gyud plano ang Ginoo nganong nahimo kong residente sa Lapu-Lapu. Sige nami og pangabang og balay sa Cebu City ug bisag asa nami nagpuyo human gi-demolished ang among gipuy-an sa Englis-V Rama. Adunay panghitabo nga wala nako  damha adunay niduol nako nga pwede diay ko mag rent-to-own. Kauban ang akong pamilya, malipayon kami nagpuyo sa Decahomes 4 ug para namo ang Lapu-Lapu City espesyal tungod kay we found our own home! Charooot!!! Para sa uban layo ang Lapu-Lapu City, pero kun maanad naka unya kun makatulog ka sa jeep o v-hire van, igmata nimo abot naka sa inyo.  Labi na kung mag ferryboat ka, 15 minutos naa naka sa Simbahan sa Regla. Mao nga Salamat Lapu-Lapu City sa kaanindot mo!

Sama sa kaanindot sa mga nahitabo niaging semana abi nako og nahuman na ang akong birthday celebration! Duna’y mga suod nako nga higala, giimbitar ko for dinner. Una, ang akong Pilates Family kauban si Ms. Bobette Quano, coach Rommel Villamor ug Jen Borromeo, usa ka lamian nga panihapon ang among gisaw-an with matching kape on the side pagkita namo. Diha nako nailaila ang usa ka iro nga nahimong parte na usab sa ilang inadlaw-adlaw nga buluhaton. Kinsa ning iroa? Ako niya nang hisgutan sa sunod. Basta ang iyang pangalan kay si Tisoy! Bang! Murag si Tisoy nga  akong Alden Richards! Hahahhaha!  Pagkahuman wala nako damha ni personal message nako sa FB akong bessy nga si Dudes kay ang among kauban sa Jollibee katong crew pa mi ni stop over sa Cebu ug best in invitation si Rhode for a dinner sa eat all you can! Hugyaw akong kauban dating fastfood crew karun kay cabin crew na sa international flight. Wala’y laing BisChika nag-abot, nangaon ug nag memory lane sa mga panahon namo isip fastfood crew. Basta adunay damgo sa kinabuhi ug magkugi sa trabaho mga BisChikadora mao na ilang giingon nga “ aduna kay kapa-ingnan”

Katong adlawa sa wala damha kay nagkita usab kami ni coach Joshua, Jhade ug Juneday sa Ministry of Music and Performing Arts Academy. Ila kong gipailaila sa mga gems and crystals. Feeling nako naa ko sa Encantadia. Ang mga bato nga imong sul-ubon sa imong lawas kay dunay mga kahulugan o meaning. Take note makatabang pud ni siya nimo batok sa mga negative vibes. Bang! Nakaingon ko mao siguro makakita ko sa ubang mga artista nay gisul-ob nga singsing, necklace o gihimong accessories nila para positive vibes lang. Murag silang coach. Hahahahha! Pagkahuman sa pag ila-ila, na surprisa ko kay bisan human na ang akong birthday kay ila kong gihatagan og birthday gifts, (gikan sa Mystic Dragon Crystals), ang akong birthstone nga Opal nga gihimo nakong singsing ug kwentas nga Rose Quartz designed by Dragon Watch para maka-attract og positive vibes sa akong trabaho o raket.  O, di ba? Basin usa sa mga bato makasulod ko sa gingharian sa Encantadia. Hahahhahaha!