One Kapamilya Go! at Pinoy Pride 33 ng TFC nagtala ng makasaysayang Oktubre sa North America
MANILA, Philippines – November 10, 2015 (San Francisco, California) – Isang makasaysayang Oktubre ang hinatid ng TFC North America para sa mga Filipino sa U.S.A. at kalapit na lugar, kasama na ang Canada, nang itinanghal ng premyadong network ang dalawang naglalakihang events, isang linggo lamang ang pagitan: ang unforgettable, action-packed at world-class boxing matches sa Philippines vs the World at StubHub Center on October 17, hatid ng pagsasanib-puwersa ng ABS-CBN Sports + Action, ALA International at TFC, tampok ang Filipino boxing champions tulad nina Donnie “Ahas” Nietes, Albert “Prince” Pagara, Mark “Magnifico” Magsayo, at Jason “El Nino” Pagara mula sa ALA International at US-based champion na si Bruno Escalante; at ang One Kapamilya Go sa Oracle Arena noong October 25 kasama ang cast ng top-rated teleserye na Pangako Sa ‘Yo - Kathryn Bernardo, Daniel Padilla, Jodi Sta Maria, Angelica Panganiban, Ian Veneracion, Thou “Takong” Reyes and DJ JhaiHo “Coring” at kilalang world-class performers, Charice, Erik Santos at Morissette.
“Natunghayan at pinagusapan ang mga celebrity at VIP photos sa aming October events sa traditional at social media, lalo na para sa One Kapamilya Go. Ngayon, nais naming ibaling ang atensyon sa mga fans at ang kanilang partisipasyon, kasiyahan at pakikisalamuha sa kanilang mga kababayan sa kanilang pagpunta sa TFC events. Nais rin naming bigyang parangal ang mga Filipino boxing champions mula sa ALA International na nakipagsapalaran sa kauna-unahang pagkakataon sa Philippines Vs. The World,” saad ni ABS-CBN North America Head of Ad Sales, Events & Trade Marketing Ricky Resurreccion.
Bukod sa One Kapamilya Go! at Pinoy Pride 33, nagbigay kasiyahan din ang taunang TFC Sama Saya, tampok ang events sa New Jersey, Las Vegas, Nevada and Milpitas, California sa pagpasok ng Fall season sa U.S.
- Latest