Bangs nagpa-plano nang pakasal

Nakatakdang bumalik ni Bangs Garcia sa Europe upang makapagbakasyon kasama ang kasintahang nakabase roon. “Actually he just came here (Pilipinas). He just went back to London two weeks ago and then ako naman I will be back there. He’s the most understanding person I’ve ever met. The state of my heart has never been this good. I’m very, very happy and content. I’m very happy,” makahulugang bungad ni Bangs.

Kahit nasa ibang bansa ang nobyo ay hindi naman daw nararamdaman ng aktres ang pagkakaroon ng long-distance relationship. “Parang hindi. Actually, sa lahat ng naging relationship ko, kasi this is my third relationship eh. But then compared do’n sa dalawa na taga-rito lang naman sa Pilipinas, I really feel him more. Kasi it’s my first time to be very in sync with my boyfriend. Like he’s also my best friend kasi. Not just in sync just physically but mentally and spiritually. That’s why I’m very, very happy with him and I’ve never been contented in my whole life,” paliwanag ng sexy actress.

Nakaplanong mag-Pasko sa Pilipinas ang pamilya ng kasintahan ni Bangs at ito rin ang magiging kauna-unahang pagkikita ng kanilang mga pamilya.

May bulung-bulungan na nalalapit na rin ang pagpapakasal ng magkasintahan. “I don’t have the ring yet pero we’ve been talking about it already. That’s what we always talk about. We talk about our future na, future plans na talaga. In God’s time. I will announce it naman. He’s planning to build me a house here kasi he’s a property developer. So he wants to build me a house here and another house there (London),” pagtatapos ng dalaga.

Arjo pangarap gumanap na retarded

Isang pulis ang ginagampanan ni Arjo Atayde sa teleseryeng Ang Probinsyano na pinagbibidahan ni Coco Martin. Masayang-masaya ang binata dahil mas marami na raw nakakakilala sa kanya ngayon. “First time po ever na may mga lalaking nagpapa-picture sa akin, tapos may mga pulis pa, and obviously dahil ‘yon sa Probinsyano. But I’d like to think na Ang Probinsyano is not only a market for the teenage community or kids but the show also caters to adults too, lolas, lolos,” kwento ni Arjo.

Marami nang nagawang soap opera ang aktor at ngayon ay nangangarap naman daw na makagawa ng isang pelikula. “Next thing I’m looking forward to is a movie naman. Wala pa po akong movie, puro TV lang. Kahit ano, okay lang. Gusto ko lang ma-experience kasi I’ve never experienced it. And obviously, it’s a different work of art naman. Sa teleserye, sunud-sunod, pero sa movie, you have time to prepare,” nakangiting pahayag ni Arjo.

Isang espesyal na role ang gustong gampanan ng aktor sa pelikula. “Mentally retarded. Gusto ko ‘yung role na gano’n. ‘Yung may pagka-autistic na hindi talaga nagsasalita tapos tumutulo na ‘yung laway. That’s my dream, that’s my one movie dream,” pagbabahagi ni Arjo.