Babaye ang gisabak
CEBU, Philippines – Gibutyag ni Beauty Gonzalez nga babaye ang umaabot niya nga anak. Gipakita ni Beauty ang iyang tiyan pinaagi sa iyang Instagram account. Mao na kini ang paagi sa aktres sa iyang pag-angkon nga nagsabak siya.
Apil sa misikat
Aduna na’y fans club ang amahan ni Alden Richards nga si Richard Faulkerson, Sr. Nahimuot pag-ayo ang AlDub fans sa mga post ni Mr. Faulkerson sa social media.
Vin gihuwaman sa Dos
Nakugang ang TV viewers sa paglugwa sa TV5 star nga si Vin Abrenica sa programang Ipaglaban Mo sa ABS-CBN niadtong Sabado. Giingong giuslan ra si Vin sa ABS-CBN alang sa usa ka episode sa maong show. Kasamtangan gihapon nga makita si Vin ubang kang Jasmine Curtis-Smith sa My Fair Lady sa TV5.
LJ todo pa-sexy
Moabot ngadto sa 10 minutos ang sex scene nila ni LJ Reyes ug Luis Alandy sa pelikulang Anino sa Likod ng Buwan. Aduna pu’y double breast exposure si LJ ug usa kini sa giatngan pag-ayo.
Friends ra gyud
Giklaro ni Ahron Villena nga suod lang gyud niya nga higala si Kakai Bautista. Gidungog ang duha nga uyab human ilang-post ang sweet kaayo nila nga mga hulagway sa Instagram. Close lang talaga kami. Nag-uusap kami, nagte-text kami, totoo ‘yun. Pero aside from that, wala naman,” saysay pa ni Ahron sa interview niini sa “Hotspot with Jhai Ho.
Nagpahayahay sa Japan
Mibakasyon karon si Aga Muhlach uban sa iyang pamilya didto sa Japan. Gilingaw pag-ayo ni Aga ang iyang kaugalingon samtang wala pa sugdi ang uban niya nga acting projects.
Tungod sa AlDub
Gikatahong nidaghan ang ni-subscribe sa GMA Pinoy TV human nakuryuso sa kasikat karon nila ni Alden Richards ug Maine Mendoza. Nagbaha matud pa ang fans sa AlDUb sa ubang nasud.
Taas nga cake
Moabot ngadto sa 10 ka tiil ang sukod sa cake ni Bea Binene alang sa umaabot niya nga 18th birthday celebration sa Manila Hotel karong November 3. Matud pa nga galante ang desinyo sa iyang cake.
Heart molugwa sa Star World
Aduna’y umaabot nga cooking show si Heart Evangelista sa cable channel nga Star World. Gisugdan na ang taping niini apan wala pa’y tataw nga petsa ang paglugwa niini sa ere.
Dili lagi recycled!
Mitingog na ang fashion designer nga si Francis Libiran kalabot sa matud pa recycled ang gisul-ob nga gown ni Maine Mendoza atol sa Tamang Panahon concert sa Philippine Arena niadtong Sabado.
Si Francis maoy designer sa nahisgutan nga gown ug giklaro niya nga dili secondhand ang maong gown.
Kahinumduman nga nikatap ang hulagway sa Kapamilya actress nga si Kim Chiu nga nagsul-ob sa maong gown busa nilenggua ang pipila ka netizens nga secondhand ra diay ang gisul-ob ni Maine sa Tamang Panahon concert.
“We are so glad, honored and grateful that Maine Mendoza and her official stylists, Stylized Studio, Inc., chose a beautiful Francis Libiran dress from our Spring/Summer 2015. Maine Mendoza’s gown at Eat Bulaga’s Tamang Panahon concert for a cause was bought and paid for by Eat Bulaga! Production,” unang gipadayag ni Francis.
Matud pa niya nga gisul-ob ra kini ni Kim isip modelo sa iyang fashion show kaniadto ug wala pa gyud kini nasul-ob og lain pa nga mga tawo.
“Kim Chiu wore this gown at the Metrowear Icon Francis Libiran 2013 fashion show as a model. This gown has not been worn at any other event by any other celebrity,” dugang pa ni Francis.
Wala modirekta og padayag sa maong issue, apan nipagawas og reaksyon si Kim sa mga tawong nipagawas og negatibong komento kalabot sa gown
“No hate please?.a gown is just a gown... its how you make people happy. i think thats more important.. happy sunday everyone!! spreading GV,” tweet pa ni Kim.
Mihangyo usab ang kauban ni Maine sa Eat Bulaga nga si Allan K nga dili himuong isyu ang gown.
“Wag na lagyan ng issue yung gown. Ang importante, nang sinuot ni Meng yun, history ang turn out. Argument anyone? A gown is just a gown. Whats more important is the smile and the rawness of personality she wore. Ok?,” suma pa ni Allan.
Showtime gilumsan sa Eat Bulaga!
Kun giguba ug nagmugna og dili basta-basta nga world record ang #AlDubEBTamangPanahon, nitala sab kini og labihan ka taas nga TV rating didto sa Mega Manila niadtong Sabado.
Suma pa sa AGB Nielsen, ang Eat Bulaga’s #AlDubEBTamangPanahon nakaangkon og 50.8% samtang ang It’s Showtime’s #ShowtimeAnimversary nihipos lamang og 5.4%.
Kahinumduman nga giguba sa #AlDubEBTamangPanahon ang world record sa labing daghan og tweets. Sa wala pa ang nahisgutang concert, ang #WorldCup match tali sa Brazil ug Germany sa nilabay nga tuig ang naghupot sa titulo nga labing daghan og tweets gamit ang usa ka hashtag pinaagi sa 35.6 million tweets nga namugna niini.
Apan giguba kini sa #AlDubEBTamangPanahon nga nirehistro og 39.5 million tweets wala maabti og 24 oras.
Gani giguba sab nila ang ilang kaugalingong record nga natala niadtong October 26 pinaagi sa #ALDubEVForLove, nga nihipos og 25.6 million.
Parul Shah 3rd runner-up!
Nidaog si Binibining Pilipinas Tourism 2014 nga si Parul Shah isip 3rd runner-up sa bag-ohay pa lamang nga grand coronation night sa Miss Grand International 2015 niadtong Domingo sa gabii, October 25, sa Bangkok, Thailand.
Ang pambato sa Dominican Republic nga si Anea Garcia ang nakoronahan nga Miss Grand International.
First runner-up ang kandidata sa Australia nga si Claire Parker; 2nd runner-up si Vartika Singh gikan sa India; ug 4th runner-up ang kandidata sa Thailand nga si Rattikorn Kunsom.
Si Parul sab ang nidaog isip Best in National Costume.
Sa question & answer portion usa lamang ka pangutana ang gitubag sa top 5. Kini mao ang: Who is the most influential person in your life?
Tubag sa 26-year old Filipina-Hindu: “The most influential person in my life would be my father. I do believe that peace starts at home.
“I was born by a Filipina mother who is Christian and an Indian father who is Hindu, in a country that is govern by Muslims.
“And I do believe that we could co-exist together if there is understanding, and when there is no power struggle and no one tries to be above another.
“I’ve learned this from my father, he thought me that with having humility and respect, peace can ultimately be achieved.”
- Latest
