Halikan nina James at Nadine, purung-puro!
Para namang hindi teleserye ang On The Wings of Love ng JaDine na parami ng parami ang manonood habang nagtatagal sa ere.
Para itong isang sine o pelikula na ginawa para sa big screen pero, kinagigiliwan ng marami sa TV screen, in the comforts of their homes.
Hindi lamang ang tambalan nina James Reid at Nadine Lustre ang nagpapakilig sa manonood kundi ang magandang istorya ng kanilang paghahanap sa ina ng character ni Nadine.
Ang laging nabibitin na halikan ng dalawa ay finally napanood na nu’ng Biyernes ng gabi na matatawag na very pure kiss at kahit kinunan pa ng close-up na walang nakitang makamundong pagnanasa manapa’y isang pagdidikit ng isang pares na mga labi. Ang ganda grabe!
Bukod sa magandang istorya ng serye, maganda rin at feel good ‘yung closeness ng pamilya ni Nadine sa Pilipinas kaya mas umiigting ang kasabikan ng manonood na malaman kung bakit hindi sila inuuwian ng ina sa kanilang tahanan.
Maging ang character ni Albie Casiño na dati ay kinamumuhian ng manonood dahil sobrang napaka-bastos sa lahat ng mga nakakasama niya ay biglang nagbago. Salamat sa pagtitiyaga ng kanyang inang si Cherry Pie Picache na isa palang tibo. Maganda rin ang role nina Joel Torre at Bianca Manalo na gumaganap bilang ama at kapatid ni Nadine.
Jasmine hindi handing ma-in love kay Brian
Hindi masagot sagot ni Jasmine Curtis Smith ang pangungulit ng movie press kung ano ang magiging kapalaran ng ginagawang panliligaw sa kanya ni Bran Llamanzares, panganay na anak ng presidential hopeful na si Sen. Grace Poe.
Nakita lang kasi nito ang larawan ng nakakabatang kapatid ni Anne Curtis sa isang billboard sa EDSA at lubhang nahulog na ito sa dalaga at talagang pinagpursigihang makilala ito kahit pa mag-gatecrush siya sa presscon ng isang proyekto nito para sa TV5.
Mabuti na lang at tinanggap ng marami ang paliwanag ni Brian na hindi niya alam na presscon ang pinuntahan niya at may naapektuhan siyang ibang tao, tulad ng mga makakasama ni Jasmine sa nasabing proyekto.
Pero, kahit tinanggap ng marami ang paliwanag niya ay may mga nakakasingit pa ring pamimintas at pamba-bash sa kanya sa hindi magandang paraan na naisip niya para lang makilala ang aktres.
Sinabi naman ni Jasmine sa presscon ng pelikula na magkatulong na ipinrodyus ng Regal Films ni Mother Lily at Reality Entertainment ng anak nito na si Dondon Monteverde at Erik Matti na wala muna siyang panahon para sa love.
Sa sobrang dami ng ginagawa niya ay hindi muna siya makakatanggap ng manliligaw. Gusto muna niyang mag-focus sa kanyang work. Tsk tsk tsk!
Tila hindi muna uubra ang charm ng ex ni Myrtle Sarrosa kay Jasmine.
Kasama si Jasmine sa Resureksyon, isang horror film, na sa trailer pa lamang ay nakikita na ng lahat ng nakakapanood nito na talagang masusulit ang halagang ibabayad nila sa sinehan. Talagang sa tema pa lamang ng movie ay matatakot na ang manonood.
Palabas ito sa September 14 na nasa direksyon ng pamangkin ni Joel Torre na si Borgy Torre III na una nang naging Best Director para sa pelikulang Kabisera na nanalo sa Cinema One Plus.
- Latest