Sandugo King 2015

CEBU, Philippines - Maayong Domingo mga SKB! Wow! Grabe ang panahon karun mao nga dapat andam kamo kanunay sa kalit nga pagbunok sa uwan kay ako hapit gidakop sa ubo ug sip-on. Maayo na lang naa ang mga vitamins nga pangontra niini busa kamo mga SKB amping sa kanunay.

Sama sa panahon, kadali lang sa mga adlaw kay niaging buwan gikoronahan na ang labing unang Alturas Group of Companies Sandugo King sa Bohol Cultural Center. Tungod sa imbitasyon ni Mr. Ritchel A. Mutia nahimo kitang usa sa mga hurado sa usa ka gabii nga panagtigi sa mga Adan. Adunay 13 ka mga Sandugo King candidates ug nagtigi kini sa mga categories nga formal wear, swimwear, q&a ug ang katapusang exposure ang festival costume. 

Ang mga nigawas nga mananaug mao kining musunod:

2nd Runner Up - Dave Dumayac

1st Runner Up   - Jean Claude Van Gran

Sandugo Festival King 2015 - Dan Joshua Olaco

Para sa mga Special Awards winners kining musunod :

People’s Choice Award :

Aljon Fronteras

Best in Production Number :

Francis Manalo II

Best in Interview :

Carlo Roy Roslinda

Best in Festival Costume :

Jean Claude Van Gran

Best in Formal Wear :

Dave Dumayac

Best in Swimwear :

Dan Joshua Olaco

Ang inyong Yurs Truly natagaan og higayon nga atong mailaila ang labing unang Sandugo King 2015 kay numero siyete man siya sa kumpetisyon. Paabuta  ang akong Q&A kang Sandugo Festival King 2015 Dan Joshua Olaco karong semanaha.

Palit aron aduna silay kahayag

Usa ka maayong higala ang namaligya niining maong mga flower vase sa tag P75 matag usa, dili aron mutambok ang iyang bulsa, kundili aron mahatagan og katumanan ang usa ka dalaygon nga kawsa: makapalit og 31 solar bulbs aron ipang-apod-apod ngadto sa 31 ka mga panimalay nga nahimutang sa usa ka dumpsite diha sa Sitio Tanke, Basak Lapu-Lapu City.

Kining mao nako nga higala kanhi nag-alagad sa usa ka NGO, nga maoy niganoy niya paingon sa nagkadaiyang dumpsite dinhi sa Sugbo. Dinhi niining maong dumpsite niya nakita ang kaikag sa mga bata nga makakat-on, apan ang mao nilang kaikag gihulga sa kangitngit gumikan kay dili man sila makatuon panahon sa kagabhion sanglit walay sugang dagitabnon (electricity) sa maong dapit.

Ang solar bulbs mapalit didto sa usa ka tindahan sa Recto sa Manila sa tag P260/set, kun 24 sets ang paliton. Hinungdan nga kun mupalit ka niining maong flower vase, susama og gihatagan nimo og kahayag ang maong mga bata. Nan, kun aduna kay ikapalit, ayaw ihikaw kanila ang maong kahayag. Order pinaagi niini: 0923 2669825,(free delivery), o pakig-alayon sa akong higala:Almz Mangubat Mondigo sa Facebook.

Natandog kaayo ko sa gisugilon ni Almz nako kay niadtong na-ospital matud pa siya nilugwa didto sa iyang hospital room ang mga ginikanan sa mga bata gikan niining maong dumpsite aron pagduaw kaniya. Ang makaguol kay nagbaktas ra matud pa sila gikan sa Lapu-Lapu paingon sa maong tambalanan  duol sa Fuente Osmeña kay walay pamilite. Ingon niana ka maunongon ang mga tawo dinha nianang maong dumpsite bisan pa man sa ilang kapobrehon.

“Informal settlers man na sila...gahuwat lang na nga ibaligya sa tag-iya ang kana nga yuta then they’d be forced to pahawa na pud,” tsika pa ni Almz. “Kana nga community kay disciplined...  wala lang juy kahimoan ang mga ginikanan..mostly sikad drivers lang nga mo earn pinakadako P50 a day, igo ra usa ka kilo bugas...nya ang mga anak not less than five ka buok...largest family kay naa 13 ka anak,” dugang pa niya.

Ang set adunay solar panel my dear okRYANians nga pwede ma-charge pinaagi sa silaw sa adlaw, busa economical kaayo siya. So atong tabangan kining maong kawsa ni Almz dear okRYANians. Pinalit ni niya actually ang maong mga flower vase, ug iyang gipatungan ang presyo aron makaabot siya sa gikinahanglang kantidad sa solar bulb set ug sa bayad sa pagdala niini puhon sa Sugbo. Order na. Kun pordoy man gani ka, basin aduna kay kaila nga tubig-tubigan ug malumo ang kasingkasing, agniha palihug nga musuporta niini, aron bisan wala kay kwarta makatabang gihapon ka. Di ba? Daghang salamat in advance. Sa Ginoo kita pagabuligan. Pakpak!