Nagbaha ang endorsements

CEBU, Philippines - Nagpusot-pusot na gyud ang mga proyekto ni Darren Espanto busa dako ang pasalamat niya sa programang The Voice sa ABS-CBN gumikan kay mao kini ang nahimong instrumento sa nagbaha niya nga endorsements.

Tungod sa suporta

Gipadayag ni MJ Lastimosa nga susama ra pud siya nga nakadaug sa Miss Universe gumikan sa mainiton nga suporta sa mga Pinoy ngadto kaniya.  Suma pa niya nga grabe gyud ang suporta sa mga Pinoy sukad pa sa preliminary activities.

Charo gipasidunggan

Gipasidunggan dili pa lang dugay sa of St. Paul University Manila ang President and Chief Executive Officer (CEO) sa ABS-CBN nga si Charo Santos Concio. Produkto si Charo sa maong tunghaan ug gihatagan siya og Fleur-de-lis Award gumikan sa naangkon niya nga  kalampusan sa iyang kinabuhi.

Kat uyon sa marijuana

Mosuporta si Kat Alano nga himuong legal ang marijuana dinhi sa Pilipinas isip tambal sa pipila ka mga sakit. Hinuon kinahanglan kini og lapad pa nga mga pagtuon aron dili kini abusaran sa ubang tawo.

Matinagdanon nga uyab

Nakadayeg og maayo si James Yap ngadto sa iyang girlfriend nga si Michela Cazzola gumikan kay hinagad kaayo kini nga pagkatawo. Nasayran nga suod kaayo ni Michela ang pamilya ni James.”Talagang masasabi ko na magaling makisama si Mi,” suma pa ni James.

Billy gikapoy sa tsismis

Igo na lang mopahiyom si Billy Crawford sa tsismis nga matud pa seloso siya nga pagka-boyfriend busa maglalis sila usahay ni Coleen Garcia. Una na nga gipadayag ni Billy nga dili niya hatagan og gibug-aton ang mga intriga gumikan kay dili kini makatabang sa ilang relasyon.

Maayong amahan

Tsika pa ni Sarah Lahbati nga bilib gyud siya kang Richard Guttierez gumikan kay mapinanggaon kaayo kini sa ilang anak nga si Zion. Giingong motabang si Richard og bantay sa bata kung dili kini busy. Gitataw usab ni Sarah nga wala pa sila’y plano nga magpakasal ni Richard gumikan kay prayoridad nila ang pag-atiman sa ilang anak.

Lig-on ang katrabaho

Dakong garbo alang kang James Reid nga iyang nakatrabaho  ang Canadian producer nga si Adam Hurstfield alang sa ikaduha niya nga studio album. Aduna kini 12 ka mga kanta ug gipaabot nga i-release kini sa unang quarter karong tuiga.