Christmas hangover sa Vampire ang Daddy Ko

MANILA, Philippines - Ngayong Linggo (January 4) sa Vampire ang Daddy Ko, may hangover pa ang mga tao sa Pasko at nalulungkot sila, lalo na sina Sonya (Pilita Corales) at Bebe (Bea Binene), na tapos na ito. Hindi naman makapaniwala si Derry (Derrick Monasterio) na ganoon sila kaapektado, at ikagagalit ito ni Bebe.

Samantala, darating sina Ding (Jose Manalo), Dong (Wally Bayola), at Dang (Gladys Guevarra), at mukhang nag-aaway sina Dong at Dang. Nagkakaselosan ang dalawa kung sino ang magiging partner ni Ding – ang kapatid o ang nobya.

Masaya naman si Vava (Glaiza de Castro) dahil malungkot ang mga tao dahil tapos na ang Pasko, at balak pa niya itong lalong paguluhin. Kukumbinsihin niyang ligawan ni Dong si Dang para kapag sila na, mauutusan niya na itong lumayo kay Ding.

Magtagumpay kaya ang plano ni Vava?

Huwag palagpasin ang Vampire ang Daddy Ko ngayong Linggo (January 4) pagkatapos ng 24 Oras Weekend sa GMA7.