Rafa Siguion-Reyna at Ruby Rodriguez makikigulo sa Vampire ang Daddy Ko
MANILA, Philippines - Ngayong Linggo sa Vampire ang Daddy Ko, pinagtataguan ni Vagets (Rafa Siguion-Reyna) ang isang babaeng humahabol sa kaniya, si Bebang (Ruby Rodriguez). Ang alam nito, patay na patay sa kaniya ang babae. Akala nila Vlad (Oyo Sotto) at Sonya (Pilita Corales) na magkakaapo na sila. Hinahanap lang pala ni Bebang ang prinsesa nilang si Prinsesa Biiktoria at humihingi ito ng tulong kay Vagets.
Makikita ni Bebang si Big (Ryzza Mae Dizon) at sasabihing siya si Prinsesa Biiktoria. Bibihisan pa niya ito para patunayan na si Big nga ang prinsesa. Gusto niya na isama si Big pabalik sa kanilang kaharian. Samantala, pilit kinukumbinsi nina Victor (Vic Sotto) na hindi nga si Big ang prinsesang hinahanap ni Bebang.
Makukumbinsi kaya nila si Bebang na hindi si Big ang prinsesang hinahanap niya?
Huwag palagpasin ang Vampire ang Daddy Ko ngayong Linggo (December 28) pagkatapos ng 24 Oras Weekend sa GMA7.
- Latest
