Cristine nag-Japan kahit pinapa-bed rest ng kanyang doktor?!

Seen: Ang denial noon ni Ara Mina na buntis ang kanyang kapatid na si Cristine Reyes. Documented ang denial ni Ara Mina dahil isinulat ito ng mga reporter na nakausap niya noong September sa presscon ng Trenderas ng TV5.

Scene: Complete bed rest ang sinabi ni Cristine Reyes na payo ng kanyang doctor  na noong Linggo lang inamin ang pagbubuntis. Ebidensya ang mga social media post ni Cristine tungkol sa kanyang daily activities at Japan trip na hindi siya bed rest.

Seen: Walang publicity at limitado ang TV plug ng airing sa ABS-CBN ng The Naked Truth noong Linggo upang maiwasan ang kontrobersiya. Ang The Naked Truth ang controversial underwear and denim fashion show ng Bench.

Scene: Edited ang participation ni Coco Martin sa The Naked Truth. Inalis ang eksena na may akay-akay siya na babae na nagpanggap na aso at ikinagalit ng mga moralista.

Seen: Ang first shooting day ng advocacy film na Child House noong Linggo sa Child House, ang tahanan ng mga bata na may sakit ng iba’t ibang uri ng kanser. Mga bida sa Child House ang mga child star na sina Mona Louise Rey at Miggs Cuaderno.

Scene: Dinala kahapon sa St. Luke’s Medical Center sa The Fort si Senator Bong Revilla, Jr. para sa kanyang overnight check up na aprubado ng Sandiganbayan. Ipinagbabawal ang pagpapainterbyu ng senador sa media.