Inahan ni Sarah nahiubos sa dili maayong pagtratar
CEBU, Philippines - Mipahungaw sa iyang kahiubos ang inahan ni Sarah Lahbati nga si Esther Lahbati human matud pa wala kaayo siya matagad ug daw gipakasama siya og "patay gutom" sa bunyag ug birthday party sa apo niya nga si Baby Zion.
Si Zion ang anak ni Sarah ug sa boyfriend niini nga si Richard Gutierrez. Sa Instagram account ni Esther gisaysay niya nga natabunan siya sa birthday party ni Zion gumikan kay usa lang siya ka ordinaryong tawo.
"The Truth! Masakit ang ma-ignore sa party," tipik sa mensahe ni Esther.
"Hindi naman pwede pera pera na lang ang lagi nangingibabaw. Para lang makilala ka sa lipunan.
"Pag wala ka pera di ka kilala," dugang pa niya.
Suma pa ni Esther nga naulawan siya dihang nahuman na ang party gumikan kay giingnan matud pa siya nga papuston og sobrang pagkaon .Wala hinuon niya gisulti kung kinsa nga tawo ang nisugilon kaniya sa maong pulong.
"The whole party hindi ako pinansin tapos para ako patay gutom na aalukin ng tira pagkain," matud pa ni Esther.
Sa pagsuwat niining balitaa, giingong gitangtang na ni Esther ang iyang gipang-post sa Instagram.
Samtang dali nga naka-post ang anak niya nga si Sarah sa Instagram nga matud pa daghan gyud sila nga naagian nga mga suliran niadto apan nasulbad na kini human niabot sa ilang kinabuhi si Zion.
"Like any other family we have misunderstandings but we will settle this internally and we will move forward. I hope that we can all live in harmony. Accept, support and understand one another for the sake of baby Zion," matud pa ni Sarah.
- Latest
