Beauty queen gibawian og cellphone!

Mao Na Ni All Over The World mga Sweet KaButanding! Domingo na BisChika na! Sa walay paglangan langan sugdan nato ang Kinsa Siya BisChika sa usa ka local beauty queen nga sigon pa sa atong KSBI (Kinsa Siya BisChika Insider) gibawian og mahalong gadget? Hugyaw ang eksena kay si local beauty queen giadto gyud sa ilang balay sa tag-iya sa maong gadget...wala’y nahimo si local beauty queen kung dili ihatag ang maong gadget kay wala man diay siya ikabayad....haayyy! Mao na ni siya langkat all over the world! Kinsa si beauty queen? Apil siya sa usa ka national beauty contest. Kinsa ang tag-iya sa gadget? Unsa nga gadget? Kapangalan sa usa ka artista? Ang gadget? Cellphone. Unsay model sa cellphone? Basta makontak siya! Hahahahahaha!

Sa nahitabong Kapuso Mall Show sa Gaisano Grand Carcar kauban si Barbie Forteza ug Rafael Rosell naHugyaw ko sa mga Carcaranon... Dili ko maHugyaw? Sa dihang nagkuha na og babaye sa audience si Rafael para iyang haranahan naloka ko ni ate kay sa sobra niyang emote iyang na kiss slight sa lips si Rafael,  pero si Rafael carrybells lang pero gapugong-pugong na sa nagwala nga fan. Mas nagwala ang fan kay ang panyo nga gigamit ni Rafael nga gitrapo sa nawong apil na ang abs niya nga yummy? Hahahaha! Gihatag sa fan, singit to the max si ate nga fan, plus naa pay pahabol nga necklace si Rafael para ni fan nga ambot murag gusto na moligid. Mo bow ko ni Rafael kay wala niya pakyasa iyang mga fans nga mga Carcaranon ug nihirit pa og bisaya nga lenggua,si Barbie, patok sa mga batan-on usab. Hugyawlicious!!!!

Congratulations sa Alta Cebu Garden Resort, Cordova,Cebu sa ilang soft opening sa ilang bag-ong hugyaw nga pool niadtong April 7,2013 kay ang inyong Yur’s truly mao ang nag-host sa maong event. Gisugdan sa usa ka makaukay nga motorcade sa mga kadalanan sa Cordova, gipakita sa Alta Cebu Garden Resort ang ilang talento sa pagsayaw, naa usab ang Brazilian dancers, ug ang hugyaw nga fashion show nga gilangkuban sa Alta Cebu Events Core group. Rampa kung rampa bahala’g ang bidlisiw sa adlaw very hot. Nanghatag usab sila og mga papremyo sa mga makalingaw nga games. Atangi ang grand launch karung  May 2013... Ang Soft opening gipasinati sa mga  staff, pamilya nila ug sa general public. Salamat usab sa lamian nga pagkaon. Busog ang sweet Kabutanding.  Sa gusto makasinati sa bonggang pool ug nangita og summer gimik tawag lang sa 032- 4967881, 032-4967812.