The Blevins-Relatado nuptials

CEBU, Philippines - Korekajan, Julian Tancawan Fitoy Vahawan ug Christian Tariman. Kutob ra ko’s Mactan International Airport atong paglarga ni Marylou M. Relatado paingon sa Alabama, USA. Gani, hasta’s Ricky Davao, giingnan nako nga wa ko mahinayon sa Manila. Ug kay binisaya man gyod ang iyang tubag, nagbinisaya na lang sad ko. Ganahan siya, aron makakat-on gyod kono siya’g binisaya. Kuyog unta kong Marylou pero hapiton pa nako’s Dulce ug Ricky Davao. Pero namatay man si Nang Andring, ang mama ni Dulce, balik-Cebu tawon mi’s Dulce. Mokanta man god unta sila si Dulce ug Ricky sa kasal ni Marylou, kay wa man ko’y laing masangpit. Pero wa tawon mi madayon. Ok ra.

Christian Wedding nilang Marylou M. Relatado ug Dale Thomas Blevins atong Sabado sa hapon [Sabado sa buntag dinhi sa ato sa Pilipinas], Marso 2. Kami ra unta to’s Inday Filma ang sa side sa bride. Ang uban, polos side ni Dale Thomas. Si Marylou nga nagtrabaho kaniadto sa NEDA, nagtungha og caregiving, pagkahuman, nagkuha na pod og nursing, nakatrabaho duha ka tuig sa CCMC. Kausa, namauli sila si Inday Filma ug husband Johnny Uselton [of Uselton Oil Company in Tenessee, USA], kuyog ni’s Dale Thomas. Gipaila sila’s Dale ug Marylou nilang Johnny ug Inday Filma. Pastilan! Nagkauyab man ang duha! Mao to’y ilang lovestory. Sila’s Inday Filma ug Marylou, mga anak ni anhing Danny Espinosa Relatado. Si Inday Filma, pagtrabaho pa niya sa COA, nagsuwat og column sa Lifestyle sa The Freeman using the pen name, Felon Ma. Reynes.