Glaiza nayayay
CEBU, Philippines - Dalhon unta sa tambalanan si Glaiza de Castro sa miaging gabii gumikan sa hyperventilation sa taping sa Temptation of Wife sa Marikina City Jail . Apan kalit lang nga nahuwasan si Glaiza busa gipapahuway lang una kini. Gigama sa aktres ang bug-at nga mga eksena sa maong serye.
Master Chef winner
Napili nga labing una nga Pinoy Master Chef si JR sa gipahigayon nga grand finals kagahapon sa maong show. Nakakuha si JR og 96.1 % ug ang nakaangkon sa ikaduhang ganti mao si Carla nga dunay 93.9 %, samtang nahimutang sa ikatulong puwesto si Ivory nga nagtangag sa grado nga 93% .
Plastikay
Tataw nga bugnaw ang tinagdan nila ni Paolo Contis ug Gladys Guevarra sa dihang ni-guest ang duha sa Celebrity Bluff dili pa lang dugay. Gitambagan ang duha nga dili magpaklaro nga duna sila’y kasungian aron dili maapektohan ang pagduwa nila sa maong show.
Camille mobiya sa hosting
Temporaryong mobiya si Camille Villar sa hosting gumikan kay unom kini ka buwan nga motungha og special course didto sa Europe. Kasamtangang nalakip si Camille sa Wowowillie sa TV 5.
LJ wala mahadlok
Masaligon si LJ Reyes nga dili gyud matumpag ang relasyon nila ni Paulo Avelino bisan pa man nga ma-link kini sa bisan kinsa nga babaye. Matud pa niya nga dili malikayan nga matsismis si Paulo gumikan sa kasikat na niini. Matud pa niya nga dako kaayo ang iyang pagsalig ngadto sa iyang partner.
Pasingit ni Kris
Gipistahan ang tweet ni Kris Aquino sa miaging adlaw kung diin matud pa naghilak kini samtang nagpirma siya og tseke isip kabahin sa financial settlement nila sa kanhi niya partner ug giingong niabot og milyones ang kantidad niini. Wala nganli ni Kris ang maong tawo apan tataw matud pa nga si James Yap ang gipasabot niini.
Gelli maikog ni Amy
Gidungog nga himoon unta nga regular nga host si Gelli de Belen sa Face To Face sa TV 5 apan gibalibaran kini niya gumikan kay duna siya’y kaikog sa iyang higala nga si Amy Perez nga maoy orihinal nga host sa maong show. Kahinumduman nga temporaryong nawala si Amy sa maong programa gumikan sa pagpanganak niini.
Segurado na
Dako ang pagtoo ni Iya Villania nga mapunta gyud sa kaminyoon ang siyam ka tuig na nga relasyon nila ni Drew Arellano . Giklaro ni Iya nga wala pa sila’y tataw nga detalye sa plano nga magpakasakal apan iyang ipaneguro nga sila na gyud ang mag-uban sa altar sa kaminyoon.
KC dili mopasalig
Gipadayag ni KC Concepcion nga dili pa siya kapasalig kung sugton ba niya ang iyang French suitor nga si Pierre Emmanuel Plassart gumikan kay dili pa siya andam nga mosulod og balik sa usa ka seryosong relasyon. “I’ve decided na rin na ayoko munang i-push through, kasi hindi pa ako ganoon ka-ready. Pero ang sweet niya, ang bait niya, sobrang lambing, nasa kanya naman ‘yung mga hinihingi ko, pero it’s just that ayoko muna maging serious talaga,†suma pa ni KC ngadto sa ABS-CBN News.
Vice nakabalik na sa Showtime
Gisorpresa ni Vice Ganda ang madlang people kagahapon human kini milugwa sa tunga-tungang bahin sa It’s Showtime kagahapon. Kahinumduman nga nasakit si Vice sa miaging adlaw hinungdan nga nalandig kini sa St. Luke’s Medical Center.
Janelle mo-arte og balik
CEBU, Philippines - Nalakip ang kanhi finalist sa Star Circle National Teen Quest sa ABS-CBN nga si Janelle Manahan sa indie film nga Bad Romance nga pagabidahan ni Mercedes Cabral.
Katapusang mi-arte si Janelle pinaagi sa seryeng My Girl niadtong 2008 ug giingong nahanaw kini sa showbiz sukad nagkauyab sila ni anhing Ramgen Revilla nga namatay niadtong 2011.
Gawas kang Mercedes, makauban usab ni Janelle sa maong proyekto sila si Aiza Seguerra, Rey PJ Abellana, Archie Alemania, Jayson Gainza, Ogie Diaz, Raul Morit ug Flor Salanga.
Buhok ni Sheena idonar sa cancer patient
Wala kapugong si Sheena Halili ug mitiyabaw kini pag-ayo sa dihang giputlan na ang iyang buhok gumikan kay gikinahanglan kini sa iyang karakter sa Indio.
Matud pa sa aktres nga pila ka tuig niya nga gigam pag-ayo ang taas niya nga buhok apan wala na lang niya kini panumbalinga gumikan kay gikinahanglan man sa trabaho.
Suma pa sa aktres nga ang pagpa-putol niya og buhok nagpamatuod nga duna siya’ dedikasyon sa iyang trabaho alang sa kalamboan sa iyang career.
Ang pinutlan nga buhok ni Sheena gikatakdang idonar sa usa ka pasyente nga naghambin sa sakit nga cancer.
Dugang pa ni Sheena nga bahala’g isakripisyo niya ang iyang buhok, ang labing importante nga nakatabang pud siya sa iyang isigkatawo.
Kanta ni Whitney nag-una sa survey
Ang sikat nga awit ni anhing Whitney Houston nga “I Will Always Love You†maoy napili nga “ most popular love song†sa labing ulahi nga survey didto sa Amerika.
Base sa Harris Interactive survey , nakaangkon kini og 38 % nga botos gikan sa mga tawo nga hingkod na ang pangedaron.
Houston’s hit from her 1992 movie, “The Bodyguard†was a cover of a 1974 song written and recorded by country singer Dolly Parton.
Samtang nasulod usab sa Top 5 ang “Unchained Melody†sa The Righteous Brothersâ€, “When a Man Loves a Woman “ ni Percy Sledge’s , “You Are So Beautiful†ni Joe Cocker, ug “How Deep is Your Love†sa Bees Gees.
- Latest
