Magbaha ang Kapuso Stars

Mnnaotw.Mga Ka Tribung BisChikadora! Pila na lang ka adlaw kay Sinulog Festival na! Unsa na ang inyong mga preparasyon? Well, ang inyong Kapuso Network kay daghang surpresa nga giandam kaninyo. Magbaha og mga Kapuso stars, atangi ang mga Kapuso Mall Shows plus ang float sa GMA 7 nga ang musakay kay ang mga bida sa bag-ong teleserye ug giingon nga labing dako, labing bongga ug labing Hugyaw nga produced sa GMA Network ang “Indio” nga gipanguluhan ni Bong Revilla Jr.

Naa pud dire ang kontrobersiyal nga diwata nga si Sarah Labati. Usa lang ang akong masulti nganong adto man gyud sa social media ipagawas ang mga kahiubos?Adto unta derecho sa GMA Artist Center, o di ba kaha ni gimik lang kini para sa iyang salida kauban si Richard Guttierez? Manghinaut ko nga ang iyang drama nga muoli siya didto sa ilang nasod para mahatagan og break iyang kaugalingon gyud ang iyang rason, kay daghan na ra ba gyud ang mga intriga nga nagduda nga basin mabdos siya. Pagkahugyaw naman lang gyud kung ang mga panagna matinuod. Tungod usab sa iyang mga mugna,nagsanga-sanga na ang mga intriga. Mao nga goodluck sa imo Sarah Lahbati, Tutok lang sa GMA7 para sa dugang detalye sa umaabot nga shows.

Sa laing bahin, bisan ulahi na ang Christmas party namo sa ETV-Cebu niaging semana mabulukon kini. Lingaw- sobra gyud kaayo kay nagkatapok ang mga banggiitan nga silang Glenn Boiser, Russelle Gako, Joseph Ann Castaneda, Joseph Lyndon Torreon with matching special guest nga si Armie. Ang maong panagtapok namo sa usa ka restaurant kay mao na usab kini ang among meeting sa umaabot nga Sinulog, pangumustahay sa usa’g-usa. Murag gimingaw gyud mi sa among grupo kay dili lang katawa ug BisChika ang nahitabo pero may dako nga lafangan. Murag kami ang naulahi nga nigawas sa oras para sa eat all you can. Hahahaha!

Ang importante sa maong panagtapok sa among grupo, nagpakita kini nga sa mga daghang nahitabo kanamo sa tuig 2012 nagpabilin kami nga lig-on. Dili nako ma-imagine ang mga stress, usahay dili magkasinabtanay apan ang tanan kay nakaya namo mao nga kudos namong tanan! Love my own! Sa pagsulod sa bag-ong tuig ug mga bag-ong hagit nga maabot pa, go lang ng go. Dili mi moreklamo kung wala ug tuo ang mga mall shows kay we do believe that “ it’s better to be busy than to be jobless.”.. hahahahaha!

Kinsa siya? Ayaw ninyo sipyata ang segment sa inyong Yur’s truly sa Buenamano Balita 6:30am sa Kapuso Network. Mga blind item sa inyong mga paboritong artista. Kinsa siya? Secret lang ha?

33rd Cebu Pop

Andam na ang tanan alang sa umaabot nga 33rd Cebu Pop Music Festival diin ang Grand Finals  ipahigayon diha sa Cebu Coliseum karong umaabot  January 18, 2013. Ang Cebu Pop tinuig nga kalihukan nga halad ni First District Representative Eduardo Gullas ngadto sa Balaang Bata nga si Senor Sto. Niño ug sa samang higayon agig pagpalambo usab sa Sugbuanong talento ug musika. Sama sa naandan 12 na pud ka mga komposisyon ang magtigi, nga puros mga orihinal nga mugna.

Adtong, Enero 3, atong gisugdan ang pagsinati niining maong mga entries, diin inyo na nga nabasa ang lyrics sa mga awit nga O Sweldo, Amomahon Ka ug Usa Ka Libo, Usa Ka Panamilit , Gugma Ko, Magkuyog Ta, Panalipdan Ta, Kay Unsa Ra Man Ko, Balik Na Pinangga Ko, Awitan Mo Na Lang ug Salamat. Karon ania ang lain na pud nga finalist:

SALAMAT

Music and Lyrics by Erwin Lirazan

Arranged by Russel Alegado

Performed by Knch Lynn Cabillo
       
I

Salamat gihimugso ako ning kalibutan
Salamat ang una kong agik-ik inyong giatngan
Salamat sa mga gakos
Salamat sa mga halok
Salamat sa inyong pagkugos

II
Salamat gibantayan ang una kong pagkamang
Salamat sa pag-agak sa una kong pagtikang
Salamat sa pagduyan-duyan
Salamat inyo akong giawitan
Salamat sa tabyog sa pagmahal

Chorus
Salamat nanay, salamat tatay 
Salamat sa pag-amumang binuntagay
Salamat nanay, salamat tatay
Salamat gikan sa anghel ning panimalay

III
Salamat nakita ko kaanindot sa buwan
Salamat nahikap ko ang mga duwaan
Salamat mahanggap ko ang hangin
Salamat mainom ko ang tubig
Salamat sa pagkaong gihungit

IV
Salamat sa sanina nga nindot
Salamat sa pagpulbos sa akong likod
Salamat sa pagsuroysuroy
Salamat sa lamian nga siyakoy
Salamat gipakatog ako sa taghoy

(Bridge)
Salamat sa pagtagana, kaugmaon ko inyong gihunahuna
Salamat sa pagpanggang wala’y sama 
Salamat, salamat sa pagmahal

Ang tickets mapalit diha sa UV Main, Tawag sa 2555741 alang sa pangutana. Ringside P300, Lower Box P200, Upper Box 100, Gen. Ad P50.