Ka-hugyawCarrot uy!

CEBU, Philippines - Giingong sayon ra kaayo ang pag-angkon sa carrot  gumikan kay gawas nga dali ra kini mapalit sa mga tindahan, barato pa gyud kaayo ang nahisgutang utanon.

Giila usab kini isip Daucus carota nga dali ra matanom ilabi na sa mga bukirang bahin gumikan kay kinahanglan kini og bugnaw nga lugar.

Ang carrot maoy ikaduha nga labing sikat nga root crop, kini maoy nagsunod sa patatas.

Maayo kini nga tinubdan sa vitamin B1, vitamin B2, vitamin B6, vitamin K, fiber, potassium ug  thiamine.

Mga kaayohan nga makuha sa carrot:

1. Paglikay sa Cancer

Daghang mga pagtuon nga nagpakita nga makapaminos ang carrot sa risgo sa sakit nga lung cancer ug colon cancer. Adunay mga pagtuon nga nakita nga dunay falcarinol nga maoy mobatok sa cancer.

2. Makapalambo sa panan-aw

Napuno sa  beta-carotene  ang carrot busa malikay ka gikan sa nagkadaiyang sakit sa mata sama sa cataract.

3. Paglikay sa sakit sa kasing-kasing

Nasuta sa mga pagtoon nga ang kanunay nga pagkaon og carrot makatabang sa pagpaminos sa cholesterol levels sa imong lawas. Ang fiber nga naa sa carrot mopaminos usab sa blood cholesterol levels nga mobanlas usab sa mga acids.

4. Pagminos sa risgo sa stroke

Suma pa sa research gikan sa Harvard University, ang mga tawo nga mokaon og carrot kaunom sa usa ka semana, ang dunay dakong posibilidad nga malikay sa  stroke kumpara sa mga tawo nga kausa lang mokaon og carrot sa usa ka buwan.

5. Pagpa-ugmad sa panit

Adunay lig-on nga cleansing properties ang carrot  nga epektibo kaayo sa pagpaalim sa mga pangatol. Makapalikay usab sa dry skin ang vitamin A ug ang ubang nutrients nga naa sa carrot.

6. Anti-aging

Magsilbi usab nga anti-oxidant ang beta-carotene nga naa sa carrot. Mopaubos kini sa “aging of cells”. (Tinubdan: www.healthonline zine.info)