Direktang sinulatan Sen. Tito Sotto tameme pa sa akusasyong plagiarism ng anak ni Sen. Robert Kennedy

SEEN: Nabuwisit kay Karen delos Reyes ang viewers ng Extra Challenge dahil sa pagtataray niya kay Boobay.

Tinarayan ni Karen si Boobay dahil Delos Santos ang apelyido niya na nasabi ng gay co-host nina Ma­rian Rivera at Richard Gutierrez.

SCENE: Kinamuhian si Karen ng viewers dahil lumabas ang kanyang pangit na ugali. Walang puwang sa showbiz ang mga kagaya ni Karen na nananatiling starlet dahil sa kanyang attitude.

SEEN: Nakisali sa away nina Karen delos Reyes at Boobay si Buwi Meneses, ang bassist ng Parokya ni Edgar at fellow contestant ng Extra Challenge. Epal na epal si Buwi dahil sa pakikialam niya sa away ng babae at bading.

SCENE: Hindi kawalan si Kylie Padilla sa cast ng Pahiram ng Sandali dahil wala pa siyang napapatunayan sa pag-arte.

SEEN: Hindi pa naglalabas ng statement ang kampo ni Sen. Tito Sotto tungkol sa sulat na ipinadala sa kanya ni Kerry Kennedy, ang anak ni Sen. Robert Kennedy, na direktang nag-aakusa sa kanya ng plagiarism.

Inaakusahan ni Kerry si Sotto ng pangongopya sa speech ng kanyang yumaong ama.

SCENE: Ang tweet ni DJ Mo Twister para kay Tito Sotto: Hey Tito Sotto, there are a few really well-written apologies I saw online that you can totally steal. I can’t address you as Senator ever again...or even Tito cuz someone might think we are related. That’s how embarrassing you are.

SEEN: Magbubukas sa World Trade Center sa Nov. 16 ang Noel Bazaar and Christmas Shop Expo.

Ang GMA 7 ang media partner at ang Kapuso Foundation ang isa sa mga beneficiary ng Noel Bazaar.

SCENE: Kahapon ang 48th birthday ni AiAi delas Alas. Nagsimula na ang shooting ng Sisteraka, ang pelikula nina AiAi at Vice Ganda na official entry sa 2012 Metro Manila Film Festival.