Kutis porcelana

CEBU, Philippines - Ang cameraman kaniadto sa shooting sa “Luha Sa Kalipay,” ang labing unang pelikulang binisayang nakita-an nakong gi-shooting directed by the late Gene Labella, elementary grades pa ko, wa maglisod kang anhing Esterlina, bisa’g kutis porcelana tong inahan ni Cebu City Edgar Labella. Kana tungod kay dili kaayo puti si anhing Esterlina. Si anhing Esterlina maoy labing una gyong artistang nasuod nako. Tungod kay hilabihan niya ka mahigalaon. Naliwat ang tanan niyang mga anak. Pagka high school na nako, mobasa na pod ko’g mga magazine, labi na ang Kislap –Graphic, tungod kay naninda na man ko ato’g mga magazine sama sa Free Press, Bisaya ug Alimyon. Busa nabasahan nako ang problema sa mga cameraman kang Helen Gamboa gumikan sa iyang pamanit. Kanhi Bb. Pilipinas finalist si Helen, ug nindot kaayo’g tingog [hinungdan  nga gitawag siya kaniadto’g Queen Of Pop Music]. Puti kaayo siya ug kutis porcelana gyod. Niadtong panahona pod, dili pa kaayo sophisticated ang mga camera, ug wa pay mga kahimanan aron mapangitaa’g kasulbaran ang susama niining problema. Karon hinuon, bisa’g unsa pa ka puti ang artista ug kaanindot sa kutis [sama kang Jessica Connely, nga nagdala sa role isip manghod ni John Prats sa Anghelito – Ikalawang Yugto], wa na gyo’y problema, Busa, bisa’g mga artista nato sa INTV-CCTN, Channel 47 sama sa kaluhang Rey ug Roy Tariman nga puti ug dunay kutis porcelana, wa na gyo’y problema. (BANAT NEWS)