Trabaho bisag birthday

CEBU, Philippines - Working day sa magtiayong Ogie Alcasid ug Regine Velasquez ang birthday sa nahauna adtong Monday. Usa ka fund-raising golf tournament ang gipasiugdahan ni Ogie ug si Regine pud mitambong sa presscon sa Of All The Things movie nila ni Aga Muhlach sa Viva Films ug showing sa September 25.

Sayo nga miabot si Regine sa presscon ug nag-thank you sa mga nagpaabot niining maong pelikula nila ni Aga. Kung may mga eksena matud pa nga tambok sila, hunahunaon na lang matud pa nga may mga eksena nga nangaon sila aron dili na mahibulong pa.

“Ecstatic” si direk Joyce to be working with Aga and Regine again ug tsika pa niya tense ang aktor sa first shooting day ug natakdan siya. “Shooting with Reg and Aga brings back memories of the three of us not understanding each other before, we are happy to be together again,” ni direk Joyce pa.

Rita gidaot og maayo

Nakugang si Rita Avila sa pagkalambigit niya kang Richard Gomez, diin ang pagpunay matud pa niya og text sa aktor ang tinuod nga rason nganong mihawa siya sa Walang Hanggan. Gikaguol ni Rita nga may mga tawo nga labihan nga nakadaot niya sa mga balita sukad siya nawagtang sa soap.

Wala matud pa masayud si Rita nganong may mga tawo nga buot siyang daoton, pero nalipay siya nga gipanalipdan siya nila ni Cong. Lucy Torres-Gomez, Eula Valdez, Dawn Zulueta, Goma ug uban pang nakauban niya sa soap.

Samtang nag-taping na si Rita para sa Sana ay Ikaw na Nga  nga balik panagpares nila ni Jestoni Alarcon. Very light ra matud pa ang iyang taping schedule busa dili siya maglisud. Gitugtan pud matud pa siya sa iyang doktor nga mutrabaho, ug natunong nga GMA-7 ang may offer niya.

Jobless John

Gikomedyahan sa press si John Lapus sa presscon sa pelikulang Of All The Things  nga kun mahuman na ang soap niyang Makapiling Kang Muli, jobless na siya, tulo man unta kabuok iyang manager. Gawas nga jobless, loveless pa gyud diay ang comedian nga ang last relationship seven years ago pa.

Dili buot magpaka negative ni John ug masaligon siyang may bag-ong projects nga muabot human sa MKM  kay pito ka tuig pa niyang bayran ang iyang four-bedroom townhouse.

“One thing na maipagmamalaki ko, for 19 years ‘di ako umabot na magmakaawang magkaroon ng trabaho dahil may dumarating na trabaho. Hindi pa rin ako umabot na sumipsip sa mga bossing para magka-trabaho, ni John pa.

Mubalik si Pepito

Mahinayon gyud ang pagbalik sa ere sa Pepito Manaloto, ang comedy show nga bituonan ni Michael V. Sa September 16, Sunday pa gihapon ang airing schedule niini, pero wala pay oras. Mas nindot nga episodes matud pa ang mapaabot niining pagbalik sa show.

Gawas ni Michael V, balik pud si Manilyn Reynes sa role ni Elsa, misis ni Pepito. Apil gihapon sila si Jake Vargas ug Angel isip sila si Chito ug Clarissa nga mga anak nila ni Pepito ug Elsa. Join pa gihapon sila si Ronnie Henares, Janna Dominguez, Jon Fier, Mosang ug Arthur Solinap.

Madugang sa cast sila si Jessa Zaragoza isip Deedee ug si Nova Villa isip si Mimi, mother ni Deedee… Nitz Miralles/PSN