Sharon nag-taping sa Bilibid

CEBU, Philippines - Gitinuod ni Sharon Cuneta ang deklarasyon niya sa show niyang Sharon Kasama Mo Kapatid nga mubalik siya sa Muntinlupa aron didto mag-taping. Kagahapon, sa Bilibid miadto ang staff sa SKMK aron mag-taping og duha ka episodes.

Kahinumduman nga nag-guest adtong Mother’s Day episode ang lawyer sa Bilibid Prison. Natandog ang pagbati ni Shawie sa tabang sa opisyal sa mga pinirisong babaye sa maong bilangguan.

Andi bag-o na og manager

Manila, Philippines—Mibalhin na og management si Andi Eigenmann. Naa na matud pa siya sa poder sa Viva Artist Agency suma pa sa nasagap namong balita.

Eh, humana ang iyang movie contract sa Regal busa wala nay problema. Wala pud mabalita nga mi-renew siya og kontrata busa hayan katapusan na niyang proyekto sa kumpaniya ni Mother Lily ang bag-ong bersyon sa Pridyider.

Hugyaw kaayo si Andi kay bisan og nanganak na, walay kukahadlok nga mag swimsuit sa iyang bag-ong drama sa Channel 2, huh!... Jun Nardo/PSN

Jennylyn bag-ong paborito sa GMA-7

Manila, Philippines-—Sugod July 23, kaduha na sa usa ka adlaw makit-an sa telebisyon si Jennylyn Mercado. Sa maong petsa ang pilot sa Inside Protégé, kung diin siya ang host ug last Monday, nagsugod na pud ang afternoon soap niya nga Hindi Ka Na Mag-iisa.

Dili matud pa mapul-an ang mga tumatan-aw kang Jen sanglit managlahi ang duha ka proyekto ug 15 minutes lamang ang Inside Protégé. Gi-ila na gyud sa GMA-7 ang abilidad ni Jen isip host, ilabi na nga may balita nga lakip siya sa muduma sa bag-ong showbiz talk show sa network nga ihulip sa Showbiz Central.

Malipayon si Jennylyn sa sunod-sunod nga project, bawing-bawi matud pa ang pagpahuway niya og dugay, busa wala siyay katungod nga magreklamo. May i-release pa siyang album sa Poly East ug may movie sa Regal Entertainment.

Samtang may tsika pa nga sunod niyang project pang primetime na ug leading lady siya sa usa ka big star sa network.

Lihay kabahin ni Lovi

Maayo kaayo mulikay si Jake Cuenca sa pagsukit-sukit sa press kabahin nila ni Lovi Poe. Kanunay nga may tubag ang actor sa matag pangutana ug maayo kaayo nga mukonek niini ngadto sa iyang proyekto nga Kahit Puso’y Masugatan.

Pero giangkon niya nga nakapasakit siya og kasingkasing ug wala matud pa niya tuyua ug padayon siya nga nag-sorry bisag wala dawata ang iyang apology. Murag si Melissa Ricks ang gipasabot ni Jake!

Anyway, malipayon siya nga napares kang Iza Calzado. “Having her as a leading lady, ano pa ang mahihingi mo? Napaka-suwerte ko, ‘di ko alam paano ako napunta sa puwesto. Five years ago, ‘di ko inisip na maging leading man ako,” ni Jake pa.

Makaribal ni Jake kang Iza si Gabby Concepcion nga  maoy iyang amahan ug dili pud siya makatuo sa sinugdanan nga ikauban niya ang aktor sa usa ka dako ug nindot nga project sa ABS-CBN.

Philip mag-inistrikto isip mentor

Seryoso si Phillip Salvador sa iyang pagka mentor sa Protégé: The Battle for The Big Artista Break  sa GMA-7. Siya ang mentor sa mga nag-audition sa Mindanao ug aminado siyang lisud ang pagpangita og total package nga maayong muarte, mukanta, sayaw ug uban pang talento nga gikinahanglan sa showbiz.

Sila si Christopher de Leon, Vilma Santos ug Nora Aunor ang peg sa pagpangita og total package talent ug si Gina Alajar pud sa acting. Sa mga nag-audition sa Mindanao, upat ang nag-standout para niya, two males and two females ug last Sunday, gi-review niya og maayo ang video sa mga auditioners.

Mipasidaan na si Philip nga istrikto siya nga mentor ug mangasaba gyud siya, busa nanghinaot siya nga makasugakod ang mga bata niya ug sa uban pang mentors.

Ronald “Kuya” ra ni Bubbles

Nag-react si Bubbles Paraiso sa pagkalambigit niya kang Ronald Singson dihang nakit-an sila nga magka-date sa Preview Ball sa Preview Magazine.

Tweet ni Bubbles: “Ronald has been one of my kuyas  since before. not dating at all. Nothing wrong w/ goin w/ a friend to the ball.”

Maayo gani kay walay GF karon si Ronald busa walay magselos ug gitin-aw gyud ni Bubbles nga inigsuon lang ang iyang pagbati sa nahisgutan.... Nitz Miralles/PSN

Dagway ni Kristoffer giusab

Manila,Philippines — Usa sa intresado namo nga giatngan sa listahan sa mga pelikulang nalakip sa New Breed category sa Cinemalaya Philippine Independent Festival mao kining Oros ni Paul Sta. Ana.

Lain-lain ang look dinhi ni Kristoffer Martin nga bisan sa guwapo niya nga panagway, ni-blend ra kini sa mga squatter’s area.

Busa linahi kini nga challenge alang sa direktor ilabi na nga nadala usab siya sa ka maayo ni Kristoffer .

Karong July 23 ang gala night niini nga himoon sa CCP Main Theater.

LJ dili gyud mobuka sa baba

Dili tubagon ni LJ Reyes ang nanggawas nga mga intriga nga matud pa nga nagkuwang si Paulo Avelino sa paghatag og sustento sa ilang anak.

Tak-om si LJ kung hisgutan na ang kalabot sa ilang relasyon gumikan kay nasayod siya nga dili usab puwede nga mohisgot si Paulo kalabot niini ug sa ilang anak.

Bisan kapila na nga gipugos si LJ kung unsa ang iyang komento sa wala paghisgot kaniya ug sa iyang anak nga si Aki sa acceptance speech ni Paulo sa dihang midaug kini isip Best Actor sa Gawad Urian, dili gyud siya motubag.

Labing maayo nga atangan na lang daw ang sexy production number niya sa victory party sa FHM ugma ug ang lahi niya nga role sa Intoy Syokoy ng Kalye Marino nga entry sa New Breed category sa Cinemalaya. (Sol Gorgonio/ PSN)