Nagkanindot, Nagkadako!

Mabulukon ug nagmalampuson ang 3RD Kasadya sa Tejero ug 2nd Panagtagbo Festival dili pa lang dugay.

Napuno sa hudyaka ang pagbukas sa maong kalihukan nga gipaagi sa street dancing nga gisalmotan sa lima ka cluster groups gikan sa 36 ka mga sitio sa maong barangay inubanan usab sa ilang mga festival queen.

Gipabilin sa mga opisyales sa Barangay Tejero ang nasugdan na nga kultura sa maong barangay niadtong panahon sa 60’s ug 80’s kung diin naumol ang “Kasadya sa Tejero” nga naghatag og kalingawan sa mga tawo ug giingong kanunay nga bisitahon sa mga tawo gikan sa laing dapit ang ilang lugar.

Dunay panahon nga nahunong og kalit ang maong tradisyon, apan sa tuig 2008, gibanhaw kini sa mga opisyales sa Tejero nga pinangulohan sa ilang kapitan nga si Jessielou Cadungog.

Usa ka ritual dance nga nahitabo sa miaging semana ug gipadayag sa tsirman sa entertainment sa maong barangay nga si konsehal Garry Lao nga kanunay na nga atngan sa mga tawo sa silingan nila nga dapit ang Kasadya sa Tejero gumikan sa mga positibo nga feedback nga ilang nadawat.

Matud ni Lao nga nakapaambit og kalamboan sa turismo sa dakbayan sa Sugbo ang Panagtagbo Festival ug magsilbi nga usa ka cultural heritage ang ilang dapit. Ang nabutang sa unang puwesto nakadawat og cash prize nga P20, 000.00; ang ikaduhang puwesto nakaangkon og P15,000.00; P10,000 ang ikatulong puwesto; P8,000 sa ikaupat ug P5,000 alang sa ikalima nga puwesto.

Mga mananaug:

Festival Queen 2012- Cluster 2 -Patricia Cirujano

Ritual dance:

1st- Cluster 4 (Tribu Panaghiusa)

2nd- Cluster 3 (Luman Tejerohanon)

3rd- Cluster 2 (Tribu Mahugyawon)

4th- Cluster 5 (Tribu Mahugyaw)

5th- Cluster 1 (Tribu UMZRRA)

2nd- Cluster 3 (Luman Tejerohanon)

Special awards:

Best in costume- Cluster 2 (Tribu Mahugyawon

Best in street dancing- Cluster 5 (Tribu Mahugyaw)

Best in musicality- Cluster 2 (Tribu Mahugyawon

Dagway sa Barangay

Mr. and Ms. Kalunasan 2012

Mr. and Ms. Kalunasan 2012

Hukman na karong Hunyo 10 sa gabii ang mapili nga Mr. and Ms. Kalunasan 2012 nga ipahigayon diha sa Kalunasan Gymnasium sa alas 9 sa gabii.

Ang pito ka kandidata sa Miss Kalunasan 2012 mao sila si Cindy Goebel, Maria Irene Baylosis, Maite Pearl Yap, Kiren Jot Tuñacao, Danica Ragasajo, Justine Verhelst ug Nova Robell Diaz.

Samtang pito usab ang kandidato sa Mr. Kalunasan 2012 nga naglangkob nila ni Edgar Lloyd Estrella, Kirby Turado, Jake Leomel Cabahug, Jules Anthony Camara, Vince Francis Tan, Jovan Tuñacao ug John Philip Lumayag.

Ang maong kalihukan kabahin sa pipila ka mga kalingawan nga gihimo alang sa selebrasyon sa 78th Founding Anniversary sa Barangay Kalunasan.

Samtang gipasigarbo usab sa mga nagdumala sa maong indigay nga sila si Ging Guardo ug Konsehal Marvin Leyson nga puros nga taga Barangay Kalunasan ang ilang mga kandidata.

Go Go Cebuanas

Duha ka mga Sugbuanong beauty-queens ang lakip sa 25 Official Candidates sa Miss World Philippines karong tuiga nga gipaila didto sa Hotel Manila kagahapon.

Sila mao si Rizzini Alexis Gomez kinsa nakoronahan isip Miss Mandaue 2008, Miss Cebu 2009 First Runner-Up ug 2010 Miss Aliwan Festival.

Ang ikaduha mao si Vanessa Claudine Amman, kinsa napiling 2011 Miss Cebu Second Runner-Up ug usa na ka commercial model sa kauluhan.

Ang ubang mga kandidata karong tuiga mao sila si Kaye Wigand, Rosheila Tungol, Mariz Ong, Carla Terina Lizardo, Paula Rich Bartolome, Maria Teresita Alaine Baccay, Maham Ahmed, Larah Grace Lacap, Vania Valeri Vispo, Paulina Eliseeff, Maryanne Ross Misa, Mariver Ocampo, Daphne Tanya Molenar, Brenna Cassandra Gamboa, April Love Jordan, Rufaida Babudin, Marie Loraine Dione de Guzman, Kaye Michelle Agnes, Fer Mary Baliquig, Queenrich Rehman, Lara Lee Sarino, Natacha Peugniez and Maria Danna Javier.

Ang koronasyon ipahigayon na karong June 24, sa Manila Hotel Tent ug isalida pinaagi sa TV5 8:30 pm, diin si Miss World 2nd Princess Ruffa Gutierrez maoy mu-host ug si Game ‘N Go host Edu Manzano maoy presenter.