Dawn ug Richard makahugyaw gihapon

CEBU, Philippines - Nagpabiling lig-on lang gihapon ang team-up ni Richard Gomez ug Dawn Zulueta gumikan sa kakusog pud sa teleseryeng “Walang Hanggan” diin lakip sila sa mga bida ug giatangan matag gabii pinaagi sa ABS-CBN. Kilig ra gihapon ang duruha sa publiko nga kanhing manag-uyab sa tinuod nga kinabuhi. “Richard and I are both shocked that people are still rooting for our love team,” matud pa ni Dawn Zulueta. “I am happy that our tandem still has an effect on the viewers,” dugang pa niya. Matod pa ni Dawn, bisag wala sila nagkasultianay sa usa’g-usa sa taas nga panahon ug aduna na silay kaugalingong pamilya karon, ang ilang panagkuyog sa “Walang Hanggan” maoy naghimog paagi nga mahibalik ang ilahang relasyon isip managhigala.