Dennis nakipagbati na kay Jennylyn
PIK: Nagkabati pala sina Jennylyn Mercado at Dennis Trillo sa taping ng Party Pilipinas kamakailan lang.
Nagkasabay sila sa opening number nito at nag-good morning si Dennis kay Jennylyn na sinagot naman ng huli.
Okay na’ yun para positive na sa pagpasok ng taong 2012. Pareho naman silang masaya kahit walang inaaming love life si Dennis. Masaya naman si Jennylyn sa nakikitang relasyon nila ni Luis Manzano.
Ang alam namin magkasama sina Jennylyn at Luis ngayong Bagong Taon.
PAK: Nakikita nang lumalabas sina Jolo Revilla at Kris Bernal. Ang gusto lang naman ni Jolo ay ma-establish muna ang friendship nila dahil alam niyang hindi pa handa si Kris sa panibagong relasyon.
Hindi naman siya nagmamadali at nakahanda naman siyang maghintay.
Natutuwa naman si Kris sa pagiging sweet ni Jolo at napaka-thoughtful pa.
BOOM: Nagkasama-sama ang mga miyembro ng StarStruck 1 sa unang gabi ng burol ni Tyron Perez sa Loyola Memorial sa Sucat, Parañaque.
Wala lang doon sina Jennylyn, Cristine Reyes, at Katrina Halili dahil out of town sila.
Pero balak nilang magkakasama-sama uli dahil sinabi noon ni Tyron na sana mag-reunion sila bago matapos ang taon.
Matutuloy nga ang reunion nila na hinihingi ni Tyron pero nasa burol naman nito.
Hanggang Jan. 1 lang ang burol ng young actor dito sa Maynila dahil dadalhin na ito sa Tarlac kinabukasan. Doon ililibing ang aktor.
- Latest
